Balyena nga nag-sex pulos lake?
Mga maniniyot sa unang higayon nakakuha’g talagsaong hulagway sa duha ka mga balyena nga naghilawas.
Apan nasuta nga ang duha ka mga balyena (humback whales) pareho diay’ng mga lalaki.
Dugay nang gikahibulongan sa mga scientist ang mga gawi sa mga balyena apan usa ka pagtuon nga napublikar ning semanaha nipakita og mga hulagway sa duha ka mga balyena nga naghilawas sa usa’g usa, sumala sa mga awtor.
Kini gisuwat nila ni marine biologist Stephanie Stack ug sa duha ka mga maniniyot nga sila si Lyle Krannichfeld ug Brandi Romano nga nakakuha sa maong engkwentro.
Sumala nila nga usa ka “oportunidad” ang ilang nadiskubrehan samtang nihinayhinay og paduol ang mga balyena sa iyang bangka sa Maui, Hawaii niadtong Enero 2022.
“The photos show a healthy and strong male whale penetrating another, who appears unhealthy or injured and emaciated,” sigun sa maong pagtuon.
Dugang pa niini nga nipaalirong kanila ang mga balyena pipila ka mga higayon samtang ang mas himsog nga balyena nagsige’g gukod sa usa.
Human sa halos tunga sa oras, ang himsog nga balyena nigunit sa usa pinaagi sa pectoral fins niini o kapay ug didto na nahitabo ang pakighilawas.
Base sa taho sa Sky News, ang mga awtor nagtuo nga ang nagluya nga balyena nipaduol kanila aron mopalayo sa usa.
“They said it remains unknown whether same-sex sexual activity would take place between two healthy males,” dugang sa articulo sa Sky News.
Human sa ilang pagbalik sa baybayon, si Krannichfeld nagkanayon nga ang ilang nahulagwayan usa ka “a oncein-a-lifetime encounter”.
“The whales are a big part of our lives here in Maui,” sumala niya sa NBC News, partner sa Sky US.
“Mating and birth are the two main things that are still kind of unknown,” paambit pa niini.
Di kini maoy unang higayon nga adunay nahitabo nga same- sex behaviour sa mga hayop. Gani, pipila ka mga gawi nabantayan sa mga walrus, dolphin ug seals.