39 KA SINSIYO, 37 KA MAGNET, GITULON
Mga sinsiyo ug magnet gitulon sa usa ka lalaki nga weightlifter didto sa nasod sa India.
Kini nunot sa iyang pagtuo nga ang bitamina nga zinc “makatabang” sa iyang bodybuilding.
Di mominos sa 39 ka mga sinsiyo ug 37 ka mga gagmayng
magnets ang nakuha sa mga doktor sa New Delhi Hospital gikan sa tinai sa maong lalaki.
Base sa x-rays nga nakuha sa Sir Ganga Ram Hospital sa wa pa siya operahi, nasuta nga nabara ang mga metal sud sa tinai sa 26 anyos.
Kini maoy resulta sa pipila ka mga semana nga sige’g tun sa mga sinsiyo samtang nagpaubos siya’g tratamento sa wa gipahibawong psychiatric
condition, sigun sa ANI wire. Dugang pa sa maong taho nga ang pasyente nga wa hinganli, nagtuo nga iyang makuha ang zinc gikan sa 39 ka mga sinsiyo-- human niini nagtuo siya nga ang mga magnet makatabang sa proseso niini.
Nahibaw nalang ang mga doktor sa iyang gidangatan sa dihang kini naabot sa emergency room human sa sige’g sakit sa iyang tiyan samtang sige’g suka kapin sa 20 ka adlaw.
Ang mga sinsiyo ug magnet nakabara na sa tinai sa maong pasyente maong dali siyang gioperahan.
“The surgeons noted that the magnets and coins had lumped together into two separate loops in the small intestine, with the magnetic force leading them to lock and cause an erosion along the intestinal wall,” sigun sa taho sa New York Post.
Nakuha ra hinuon sa mga doktor ang mga sinsiyo lakip na ang mga nakit-an sa iyang tiyan.
Sumala sa mga opisyal nga ang ubang mga magnet nga nakuha gikan sa lawas, aduna pay porma nga heart, lignin, mura’g bala, triangle ug star.
Human operahi, makita sa x-ray nga nagmalampuson ang maong operasyon apan usa ka semana sab kining nipabilin sa tambalanan hangtod nga kini nakagawas.
Sigun sa Poison Control nga ang pagkonsumo og daghan nga metal moresulta sa zinc
toxicity o makahilo.
Kon ang mga sinsiyo matun ug masagulan og acidic fluids, kini makapasakit gyud sa tiyan, makapasuka ug moresulta sa diarrhea, samtang ang uban, mamatay. /