MGA CELEBRITY NGA MAG-60 NA KARONG 2024
Sila ang mga sikat nga natawo sa 1964 nga mag-senior citizen na karong tuiga. Apan sama nato duna sab silay mga kalisdanan ug kakulangan. Ila-ilaha kinsa sila ug ang estorya sa ilang pakigbisog. (Septiyembre 2) Ang Canadian actor 3 anyos pa lang dihang giabandonar siya sa iyang amahan. Nidako sa tulo ka lainlaing mga ama-ama. Ang iyang anak namatay dihang gihimugso ni sa iyang fiancé kinsa namatay usab human nabangga ang awto niini. Si Keanu wala na magminyo ug wala na makabaton pa og anak.
AIAI DELAS ALAS
(Nobyembre 11)
Niagi sab og daghang mga pagsuway ang Queen of Comedy una niya nakab-ot ang kalampusan. Ang iyang bana karon mao na ang iyang ikatulo. Aduna siyay duha ka mga anak sa unang kaminyuon ug laing usa sa pagkadalaga.
GARY VALENCIANO
(Birthday: Agusto 6)
Wala malilong sa showbiz kon unsa ka masakiton ni Gary V. Gawas sa diabetes, naoperahan siya sa kasingkasing ug na-diagnosed og cancer. Apan kini tanan iyang na-survived tungod sa dako niyang pagsalig sa Ginoo.
RUSSELL CROWE
(Abril 7)
Ang 2000 Oscar’s Best Actor sa “Gladiator” nitug-an ni David Letterman niadtong 2010 nga 10 anyos pa lang manigarilyo na siya ug makahurot og unom ka kaha sa usa lang ka adlaw. Niundang lang siya dihang nakabaton na og mga anak.
MELANIE MARQUEZ
(Hulyo 16)
Si 1979 Miss Int’l nakaangkon og grabeng angol human nabangga ang iyang gimanehong pick-up truck sa Amerika niadtong 2013 nga maoy nagpalig-on sa iyang pagsalig sa Ginoo. Si Melanie sakop sa Mormons.
SANDRA BULLOCK
(Hulyo 26)
Ang Hollywood actress naeskandalo human usa-usang niladlad ang mga babaye sa iyang bana kinsa iyang gi-divorced ug namatay sa miaging tuig. Si Bullock walay anak apan duna siyay duha ka mga sinagop. Wala na siya magminyo pag-usab.
JESSICA SOHO
(Marso 27)
Ang multi-awarded journalist kapila na gipasidunggan isip ‘most trusted media personality’ sibo sa baruganan sa GMA nga “walang kinikilingan...” Sa kadako sa iyang gugma sa pagpanibya, mas gipili niya ang magpabiling dalaga.
GABBY CONCEPCION
(Nobiyembre 5)
Bisan sa kontrobersiyal niyang lovelife ug pag-abandonar niya sa iyang career aron manrabaho sa Amerika, suwerte si Gabby nga nakabalik pa sa industriya. Ang aktor nakat-on sa mga kasinatian nga dili tanang mosidlak bulawan.
JACKIE LOU BLANCO
(Pebrero 11)
Sa miaging tuig gikumpirmar ni Jackie Lou nga buwag na sila ni Ricky Davao niadtong 2000 pa. Duna siyay nakarelasyon apan nagbuwag sab sila. Sa vlog ni Amy Austria, matod niya nga wala na siya makigrelasyon pa. “If it’s God’s will, so be it.”
NICOLAS CAGE
(Enero 7)
Si Cage ang kanhi highest paid actor ug nailang usa sa labing manggihatagon sa Hollywood. Mao nga luyo sa iyang mga conflict sa balaod ug kasong legal wala gyud siya pasagdi sa mga producer.