Iro misuroy sa kalibutan; hilason kay hotel puy-an
Usa ka tres anyos nga Chihuahua nagpuyo sa luho nga kinabuhi samtang giputos sa iyang tag-iya ang iyang maleta ug gidala siya sa tibuok kalibutan.
Si Bao, nga nagpuyo sa Toronto kauban ang iyang tagiya nga si Xa Thi Ngoc Tran, nakaadto sa Paris, France, Mexico ug Alberta sa miaging duha ka tuig - nagpuyo sa mga five-star hotel sa mga dapit nga ilang gisuroyan.
Si Tran usa ka 37-anyos nga finance worker. Giingon niya nga nakuha niya si Bao sa panahon sa pandemya sa COVID, apan ang duha wala nagsugod sa pagbiyahe nga kauban hangtod sa 2022.
“I never wanted to travel without him because he’s my
baby boy,” asoy niya sa SWNS, British news service.
Ang unang biyahe sa unom ka pound nga iro mao ang upat ka oras nga biyahe paingon sa Lake Louise, Alberta.
Sukad niadto, ang iro ug ang iyang tag-iya nakatabok na sa nagkadaiyang mga dapit sa kalibutan.
Sa Paris, ang duha namuyo sa Hotel Louvre Saint-Honore ug nangaon sa iconic Café de Flore samtang nanghapit usab sa Eiffel Tower.
Ang laing butang bahin kang Bao kay dili siya mobiyahe nga gaan ra og dad-on, ingon sa taho sa SWNS.
Si Tran miingon nga si Bao adunay 75 ka piraso nga wardrobe nga nagkantidad og $2,500, lakip ang mga butang sama sa Chanel silk scarf, sparkly jacket ug turtleneck sweaters.
“Since he was a puppy, I’ve liked to match his clothes to my neutral aesthetic with trench coats and denim, but Bao is partial to a Hawaiian shirt when on
holiday,” butyag ni Tran. Iyang giangkon nga adunay dugang nga gasto nga nalambigit sa pagdala sa usa ka binuhi nga hayop sa usa ka biyahe - apan siya miingon nga “di niya igsapayan ang balor.”
Sa balay, si Bao mokaon usab sama sa usa ka hari, nga adunay masustansya nga hilaw nga pagkaon, lakip ang hinimo sa balay nga sabaw sa bukog aron mapalambo ang kinatibuk-ang kahimsog. “Getting Bao was the best decision, and he’s like my perfect
match,” sulti ni Tran sa Fox News Digital.
Tulo ka tuig ang milabay, gisugdan ni Tran ang usa ka Instagram account alang kang Bao — nagpaambit sa iyang “sassy personality” ug uso nga mga outfit.