2 KA ESTRANYO, TUPAD SA FLIGHT, PAREHAS OG NGAN?

Nagtuo ang usa ka lalaki sa United Kingdom nga mopaingon siya sa laing dimension human siya nakatupad og laing lalaki nga susama niya og nawong ug pangan.

Nahitabo ang insidente nga gipaambit ni Mark Garland, 58, ngadto sa South West News Service, niadtong Marso 2 sa usa ka flight gikan sa London paingon sa Bangkok, Thailand.

Ang lumad sa Trowbridge, Wiltshire nagsugod na og kahibung sa dihang ang usa sa mga airline personnel niingon niya nga nahuman na siya’g check-in bisan wala pa.

Didto na lang niya nahibaw-an pagsud niya sa eroplano nga duha diay sila ka Mark Garlands sa samang flight.

Sigun sa mas bata nga Mark nga ang check- in personnel wa ra nikuti-kuti niya atol sa check-in.

“I stood at the check-in counter for 40 minutes while they tried to work out the problem. We then had to go to the boarding gate early to identify our cases,” sigun sa usa ka kawani. Ug didto sila nagkahimamat sa unang higayon kay mura sila’g nanamin sa usa’g usa.

“I was shocked at how strange it was. People said we could be brothers,” sigun sa manghod nga Mark.

“I said, ‘Look, I’m Mark Garland,’ showing him my passport, and he started laughing and opened his passport and showed me his name, and it was banter,” dugang pa niini.

“It was crazy — I have never known anything like it,” padayag sa mas hingkod nga Mark.

Base sa artikulo sa New York Post nga ang bata nga Mark paingon mobakasyon og usa ka buwan sa Thailand samtang ang mas guwang tulo ka semana.

Wa lang didto nihunong ang kapalaran atol sa ilang paghimamatay sanglit pagsud nila sa eroplano, nagkatupad pa gyud sila maong pwerte nilang tabi sa flight.

Nasuta nga dug-ol ra sila’g gipuy-an. Ang usa ka Mark bus driver samtang ang mas guwang, 62 anyos, usa ka construction worker.

“I’m a bus driver, and Mark said he sometimes uses my bus,” dugang niya.

Ang duha pareho’ng adunay upat ka mga anak. Ang drayber nga Mark wa pa naminyo samtang ang construction worker buwag sa asawa.

Naa pa gyud silay mga tawo nga parehong nailhan.

Ang duha planong magkita sa Thailand human nagka-bonding atol sa flight.

“It [ilang panagtagbo] made me happy,” sigun sa bus driver.

“I’ve made a friend for life,” dugang sa ikaduhang Mark./ nypost.com /

■ WA MAKATUO: Nakurat ang duha ka mga Mark Garland sa dihang nagkahimamat sila sa unang higayon. Susama ang ilang mga ngan, ang usa mas guwang apan ang ilang mga hulagway susama og porma. Ang hinungdan nga nagkatagbo ang duha kay nagkasakay sila’g flight paingon sa Thailand gikan sa London.