KAPIN 34 MIL NA NGA BURGER NAKAON?
Ang 70 anyos nga usa ka lalaki maoy naghupot karon sa record sa pinakadaghang burger nga nakaon sa iyang kinabuhi.
Bisan iyang kanhi record niadto, iya pang nalabwan ning bag-o lang.
Nailhan si Don Gorske human gibuak niini ang Guiness World Record sa pinakadaghan nga Big Mac Burgers sa McDonalds nga nakaon sa iyang kinabuhi ug mas nausuwag pa gyud iyang record human siya nakakaon og dugang 728 sa milabay’ng tuig.
Ang kinatibuk-ang nakaon niya naabot na sa 34, 128 sa pagkakaron.
“People who have watched me eating a Big Mac often comment that I look like I’m eating one for the very first time,” ni Gorske base sa nigawas nga taho sa New York Post.
Ang usa ka big mac nga adunay duha ka beef patties, sauce, pickles, lettuce, Bombay, keso ug bun adunay di mominos sa 590 ka calories.
Bisan pa sa iyang ganahang kan- on, ang kanhi kawani sa selda way gipamati sa iyang lawas ug nagpabiling himsog.
“Many people thought I’d be dead by now but instead I’ve been a record holder for my 24th year – one of Guinness World Records’ longer-running record holders, so that’s pretty cool to me,” matod niya.
“Out of respect to my mother, from 1973 to 1981, I ate one nonBig Mac meal a day because she was worried about my health. On April 1, 1981, she let me relinquish that promise when she said: ‘If they haven’t killed you by now, go ahead, ‘” dugang niya. Aron magpabiling himsog, kada adlaw siya molakaw og 6 milyas o halos 10 kilometros samtang di niya kan-on ang fries nga uban sa iyang order.
“I’m healthy as a horse. I weigh 190 pounds, and my cholesterol is 165. I’m better than normal,” ni Gorske, kinsa lumad sa Fond du Lac, Wisconsin, ngadto sa The Post niadtong 2018.
Unang nabuak ni Gorske ang record Guinness World Record niadtong 1999.
Una niyang Big Mac nga nakaon mga 52 anyos na ang nakalabay niadtong Mayo tuig 1972.
“In that moment, I said: ‘I’m going to probably eat these for the rest of my life.’ I threw the cartons in the back seat and started counting them from day one,” sigun niya ngadto sa GWR.
Sukad niadto, iyang gitaguan ang mga record nga nikaon siya’g Big Mac niadtong adlawa, gani, ang mga sudlanan ug resibo iyang gipangtaguan.
Ilado na siya sa McDonald’s sa ilang dapit, gani, naa siyay hulagway sa sud sa maong kan-anan. Sa parking lot sa maong kan-anan sab siya nipropose sa iyang asawa.
Niadto, moabot sa 9 ka burger ang iyang mahurot matag adlaw. Apan karon iya kining gipaubsan sa duha: usa sa paniudto ug usa sa panihapon.
Sukad sa iyang pag-retire sa trabaho, kada adlaw siyang modrayb paingon sa kan-anan sanglit buot niya paliton mao man ang “preskong” burger ug kon gutumon siya sa balay, iya na lang kining initon.
Di siya mokaon kaayo og lain nga pagkaon. Nisuway siya og kaon sa Burger King niadtong 1984 apan nakadesisyon siya nga McDo ang iyang ganahan.
“When I like something, I stick with it all the time,” paambit niya sa GWR. /