MEGAN GIHINGANLA’G ‘RACIST’; BUHOK NI MS. BOTSWANA GIHAPSAY
Gibasol si Megan Young sa kapildihan ni Miss Botswana, Lesego Chombo, atol sa coronation night sa Miss World 2023.
Ang Kapuso actress – Ms. World 2013 nga si Megan, nagsilbing host sa maong pageant nga gipahigayon sa Jio World Convention Center, Mumbai, India niadtong Marso 9, 2024.
Sa dihang gitawag ni Megan si Lesego alang sa question-and-answer portion, iyang namatikdan nga pipila ka strands sa buhok sa maong kandidata nga diha na sa iyang nawong hinungdan nga gihapsay ni Megan.
“Let me fix your hair a little bit,” matod pa ni Megan, taho sa PEP.ph.
Apan ang gipakita nga kaayuhan ni Megan lahi og interpretasyon sa uban hinungdan nga gisaway ang Pinay beauty queen sa iyang gihimo sa ubang pageant fans.
Usa na ang Botswanian content creator ug administrator sa Facebook
page nga The Truth nga mipasangil kang Megan nga ‘racist.’
Adunay uban ningbasol kang Megan, nga ang iyang gihimo usa ka matang sa ‘witchcraft’ maoy hinungdan nga napildi ang maong kandidata.
NANGAYO’G
PASAYLO Tungod sa maong hitabo, personal nga giduol ni Megan si Lesego ingon man ang fans pinaagi sa iyang social media post nga wa kauyon sa iyang gihimo.
Sa Facebook post ni Megan, siya nagkanayon: “Last night during the final, I fixed Lesego Chombo’s (Miss Botswana) hair on stage.
“I wanted to offer a helping hand but I failed to oversee the bigger picture. This could have caused distress during that moment and I have been made aware that culturally, this is unacceptable.
“We have spoken privately last night at the hotel and I have apologized to Lesego in private.
“To those who witnessed the incident, I also want to apologize for any discomfort or confusion my actions may have caused. It was a thoughtless and disrespectful act, and I take full responsibility for it.
“I assure you that it was not my intention to invade personal space or make anyone feel uncomfortable. I deeply regret my actions and will strive to be more mindful and respectful in the future.” /