Giisnab na

Dear Noy Kulas,

Alyasi lang ko og Jim, 28 years old. Usa ako ka staff sa usa ka kompaniya, single ug available.

Akong story parte ni sa akong kauban sa work nga 27 years old, usa ka single mother.

Naa ni siyay usa ka anak nga 3 years old na. Wa siya pakasli sa lalaki kay iyang na-discover nga minyo diay.

Pwerte niyang mahaya ug bisan sakit kaayo, iyang gibuwagan ug wa niya dawata ang bisan unsa nga offer sa support.

Nahibaw-an nako ni tanan kay nagka close ming duha. Karon kay na-develop ang akong feeling para niya, nanguyab ko.

Karon human ko nidiga niya, wa na siya nanagad nako. Ako na unta siyang gisultihan nga andam ko mangamahan sa iyang anak.

Nadawat nako unsa ang iyang past. Bothered kaayo ko karon kay bisan sa Messenger iya kong gi-block.

Nahibulong ang among mga kauban nga nakabantay nga di na mi magkuyog. Unsa kahay hinungdan nga ing ana man siya?

Angay ba diay na nga ikasuko, Noy Kulas? Besides wa man siyay uyab sud na sa three years. Ngano kaha nga ing ani man siya?

JIM

Jim,

Pasagdahi na lang na siya tungod kay basin naglikay na siya nga mahigugma pag-usab.

Nitagam na siya human nailad ug nasakitan. Di baya lalim ang iyang naagian bisan kon mga tulo na to ka tuig.

Magbilin ni og uwat ug kahadlok sa ubang mga babaye baya.

Respect her space. Kon wa siya nitingog, pasagdahi. Ayaw pamugos. Kon gusto kang masayod siya nga serious ka, pagbilin og note sa iyang table.

Pangayo og sorry kon nakapasuko niya ang imong gibuhat. Nga ang imong tuyo sa iyaha tininuod, di bugalbugal o pagpahimulos sa higayon.

Ikaw nag hope nga usa niana ka adlaw mosulti siya nimo kon unsay iyang rason ug andam kang modawat unsa man ang naa sa iyang huna-huna ug hukom. Kana lang. Ayaw na og daghang estorya.

NOY KULAS