Mga staff nagmaskara og fox sa pag-atiman sa baby fox

RICHMOND, Virginia — Ang mga empleyado sa Richmond Wildlife Center sa Virginia nagbuhat sa ilang labing maayo nga inartista sa pagpakaaron ingnon nga sila inahan sa mga red fox kun lobo samtang ilang gipakaon ug giatiman ang usa ka ilo (orphan) nga nati nga gihatod kanila.

Sa usa ka video nga gi-post sa Facebook page sa center kaniadtong Martes, ang Executive Director nga si Melissa Stanley gipakita nila nga nagsul-ob og red fox mask ug rubber gloves samtang gipakaon ang gamay nga nati pinaagi sa syringe.

Ang nati nga fox naglingkod sa ibabaw sa usa ka dako nga stuffed animal fox nga daw sama sa iyang inahan, matod ni Stanley.

Ang sama nga post sa Facebook nagpatin-aw kon ngano nga ang mga kawani nagsul-ob og maskara aron siya pakan-on, kini aron pagpaminus sa mga tunog sa tawo, paghimo og mga visual barrier ug paghimo sa uban pang mga pag-amping.

“It’s important to make sure that the orphans that are raised in captivity do not become imprinted upon or habituated to humans,” matod sa post.

Ang tanan nga gitumong alang sa dako nga posibilidad nga ang nati nga fox mahimo’ng ibalik sa wild sa umaabot nga mga adlaw.

Si Stanley niingon sa usa ka interbyo kaniadtong Martes nga ang nati kun kit gi-admit sa sentro kaniadtong Pebrero 29 human kini nakit-an sa usa usa ka tawo nga naglakaw uban sa iyang iro sa usa ka eskinita sa Richmond.

Naghunahuna nga siya usa ka nati, iyang gitugyan sa Richmond Society for the Prevention of Cruelty to Animals. Wala pay 24 ka oras ang iyang edad ug nagtapot pa ang iyang umbilical stump.

Ang mga kawani sa Wildlife center sa sinugdan nisulay sa pagpangita sa inahan sa nati ug sa iyang gitagoan nga dapit aron sila mahiusa pag-usab.

Ilang nakit-an ang den site, apan gisultihan sila sa grounds superintendent nga ang mga fox nalit-ag ug gikuha.

Giingon ni Stanley nga nagduda siya nga ang nati nga fox nahulog gikan sa usa ka lit-ag o gikan sa likod sa trak sa trapper.

Ang mga kawani sa wildlife center nagpuli-puli sa pagpakaon sa kit matag duha hangtod upat ka oras kanunay nagsul-ob sa fox mask.