REACTION SA CELEBRITIES SA RESORT, CHOCOLATE HILLS
Nag-alburoto ang pipila ka celebrities sa dihang nabulgar ang resort nga gitukod sa Canmano, Sagbayan, Lalawigan Bohol.
Ang maong resort nga nag-viral sa social media adunay amenities sama sa water park, cottages ug accommodation facilities sa tiilan sa Chocolate Hills.
Usa sa mga mi-react ang Miss Supranational Philippines 2023 Paulin Amelinckx pinaagi sa iyang Facebook post nga nagkanayon: “The Chocolate Hills are part of every Bol-anon [green heart emoji] It’s part of the land we call home, part of the soul of our island,” matod niya.
“Now more than ever, we face the challenge of balancing progress with the protection and preservation of our natural landmarks.
“We all must play a part, big or small, to regenerate our earth, so it may regenerate us too.
“May we never forget about the beautiful land given by God. ‘Hatag ni Bathala.’”
Ang mainstay host sa ‘It’s Showtime’ Anne Curtis sa iyang X ni-post: “Is this true kaya? Sad naman if they are allowing this so close to the beautful natural wonders of our country [loudly crying face emoji]”
Samtang ang singer-son writer, actor Janno Gibbs sa iyang caption sa viral photo sa maong resort: “At binabuy na ang Chocolate Hills. [angry face emoji]”
“Grabe... Ok sa governor at Mayor yan [thinking head emojis],” laing comment sa komedyante nga si Dennis Padilla.
Ang Filipino- Indian radio personality ug TV host Sam
YG mi-share sa iyagn kapungot pinaagi sa Instagram story: “Iba rin! Sana man lang ginawang chocolate pool para pasok sa theme [chocolate emoji]”
Nasayran nga ang Chocolate Hills naapil sa listahan sa UNESCO’s World Heritage sites ug gideklarar nga national geological monument niadtong Hunyo 18, 1988.
Gideklarar sab nga protected area niadtong Hulyo 1, 1997 pinaagi sa Proclamation No. 1037 nga giluwatan ni kanhi president Fidel V. Ramos. /