SHOWBiz ABROAD
BRETMAN ROCK GIPASIDUNGGAN SA GOBYERNO SA HAWAII
Tungod sa impluwensiya ug impact niini ngadto sa mga residente sa Hawaii ug mga Filipino-Americans, gipasidunggan sa Hawaiian Legislature's Filipino Caucus ug House of Representatives sa Hawaii ang Filipino social media personality nga si Bretman Rock.
Ang 25-anyos content creator kinsa anaa naka-base sa Hawaii mishout out usab kang Hawaii District 44 Representative Darius K. Kila nga iyaha nang giila nga higala human gituman ang iyahang "First Lady" fantasy sa Kapitolyo.
“I will never forget this day. I also got to spend it with the Filipino Caucus and it was so fun and so brown I loved every moment of it and spending it with my people ! And girl, they had a whole lechon for me for lunch !!! I really felt like a queen,” matod ni Bretman.
Wala usab palabya ni Bretman nga makahulagway uban si Hawaii Governor Josh Green ug pipila sa mga representante.
“Mahalo for all you do to inspire people from around the world and especially Hawaii's keiki to not only be proud of their cultural heritage but to be their true authentic self,” matod ni Governor Green.
'SQUID GAME' ACTOR GUILTY SA SEXUAL MISCONDUCT
Walo ka buwan nga suspended prison sentence ug 40 ka oras nga klase kabahin sa sexual violence, ang gipahamtang nga silot ngadto kang Squid Game actor Oh Yeong-su.
Ang 79-anyos nga aktor napamatud-an nga guilty sa kaso nga sexual misconduct nga gipasaka batok kaniya sa usa ka aktres niadtong 2022.
Misang-at ang aktres, ngan gipugngan, og kasong sexual misconduct tungod sa daw paggakos, pagkupot sa kamot, ug paghalok ni Oh Yeong-su sa iyahang aping niadtong 2017.
Gipanghimakak na kaniadto sa aktor ang maong mga pasangil, “I just held her hand to guide the way around the lake. I apologized because [the person] said she wouldn't make a fuss about it but it doesn't mean that I admit the charges."
Plano sa aktor nga moapelar sa desisyon sa korte ug barugan niini ang iyahang pagka-inosente sa maong mga pasangil.