Tiket nga midaug sa lotto nawala; sulagma nakit-an

LOUISVILLE, Kentucky — Kaduha miigo ang suwerte sa magtiayong taga Kentucky nga nagtuo nga nawala ang ilang tiket nga nidaug sa Powerball.

Nahibal-an sa magtiayong Bowling Green kaniadtong Nobiyembre nga nakadaug sila og $50,000 apan wala makit-i ang tiket nga ilang napalit mga usa ka semana ang milabay, matod sa Kentucky Lottery sa usa ka news release.

Si Mark Perdue niingon nga ang tag-iya sa AM Express nipahalipay kaniya dihang nisulod siya sa convenience store.

“I said, ‘for what?’ And she said, ‘You won the lottery.’ I said, ‘I wish.’ She said, ‘You did, I have you on video.’”

Siya ug ang iyang asawa nitan-aw apan wala makit-i ang tiket ug naghuna-huna nga basin kini gilabay.

“I’ve been beating myself up for three months thinking I threw this ticket away,” matod sa iyang asawa.

Unya niadtong Pebrero, si Perdue, kinsa presidente sa Kiriu USA, nilakaw aron susihon ang kahimtang sa usa ka sakyanan sa kompaniya ug iyang nakit-an ang tiket sa sulod.

Ang sakyanan, nga dili kanunay gamiton, gikinahanglan tungod kay ang usa ka bisita gikan sa laing planta anaa sa siyudad ug kinahanglan nga mogamit sa usa ka sakyanan sa kompaniya.

“I don’t know how long it might have sat out there if I hadn’t needed the car,” matod ni Perdue. “I was shaking a little bit.”

Iyang gisultihan ang iyang asawa ug pagkasunod adlaw miadto sila sa headquarter sa lottery, diin nakadawat sila og tseke nga $36,000 human kuhai sa buhis, matod sa pamahayag sa lottery.

Ang magtiayon miingon nga sila nagplano sa pagbayad sa mga utang ug mahimo’ng mobiyahe.

/ AP SWERTIHA: Ang magtiayong Bowling Green mipakita sa tseke sa ilang daog sa lotto. Nagpakawala na unta sila sa paglaum nga ilang makitan ang tiket sa lotto nga nakadaug sa power ball.