Mga inisyatiba ni Kap Winston Pepito sa barangay
Sa bukirang dapit sa Dakbayan sa Sugbo nahimutang ang Barangay Bacayan nga andam na modawat sa modernisasyon nga giandam sa bag-ong liderato.
Bisan kon ang pag-asumer sa barangay electoral seat niadto lang Disyembre 2023 ug di pa gyud kaabot og duha ka tuig ang iyang termino sa pagdumala sa barangay, si Kapitan Winston Pepito nipasalig sa pagtubag sa labing dali sa mga panginahanglan sa iyang mga konstituente.
Bisan dili na bag-o si Pepito sa gobyerno kay kanhi konsehal usab siya sa Bacayan, apan unang higayon pa kini niya nga mahimong barangay kapitan ug hagit kini isip bagong pamunoan.
“Aside from bringing our services to the people instead of having people come to us, I want to modernize our systems and processes so we can serve our people reliably, comfortably, and in a timely manner,” matod ni Pepito.
Uban sa iyang tagline nga “The Winston Pepito Initiative ug Abante Bacayan”, si Pepito nagtutok sa panginahanglan sa katawhan ug naglihok nga independente sa problema.
Sa interbyo sa SuperBalita Cebu niadtong Pebrero 23, 2023, matod niya nga iyang gamiton sa iyang pagdumala ang iyang plataporma nga adunay duha ka dagko’ng mga plano: long-term ug short-term.
MODERNISASYON, REHABILITASYON
Nag-una sa iyang mga plano mao ang modernization systems, road repair, infrastructure, assistance, anti-drug
campaign, ug rehabilitation sa drainage systems ug mga kanal sa tibuok barangay.
Kasamtangang nag-draft si Pepito sa desinyo sa ilang ‘Mobile App’ nga magsilbing modernized system nga makatabang sa kasayon sa iyang mga residente ilabi na nga ang ilang barangay hall nahimutang sa tungason nga lugar. Magsilbi kini nga one-stopshop nga mo-accommodate sa tanang concerns sa iyang mga konstituente ug common requests sama sa mga dokumento. Iyang gihimo kini nga inisyatiba ilabi na nga usa sila sa bukirang barangay ug ang ilang barangay hall nahimutang sa taas nga lugar ug iyang gipangita ang paagi nga masayon sa mga senior citizen ang ilang mga transaksyon ug gikinahanglan gikan sa barangay.
Bisan niadto lang Disyembre siya nakaasumer, ang iyang administrasyon naka-declogged na og 30 ka drainage systems ug mga kanal bisan di bahaanan ang barangay.
Apan nagtuo si Pepito nga kini maoy pinuy-anan sa mga dekada nang basura nga maoy tinubdan sa lang-og nga kabaho ug posibling maoy hinungdan sa baha.
Gitubag dayon kini niya pinaagi sa paggasto ‘gikan sa iyang kaugalingong bulsa’ aron dinaliang matubag ang problema ilabi na sa Villa Leyson.
Siya usab ang nangulo sa pag-ayo ug pag-instalar sa kapin sa 100 ka mga street light kay kadaghanan sa mga purok way sugang dagitab. Dunay nagpadayon nga road
construction sa pakigtambayayong kang Cebu City North District Congresswoman Rachel Marguerite “Cutie” Del Mar sa Sapphire Street nga hayan mahuman sulod sa duha ka buwan.
Gipasiugdahan usab ni Pepito ang road clearing aron malikayan ang mga disgrasya ug mamentinar ang lapad nga kadalanan, ilabi na kadtong mga dalan nga gipamutangan og mga tanom.
Gisuportahan usab niya ang mga seminar sa pagmonitor sa drug-war watchlist sa iyang barangay aron makab-ot ang drug-cleared status.
Hugot niyang gipatuman ang curfew gikan sa alas 10 sa gabii nga gibantayan sa Barangay Police Officers (BPO).
Niadto lang Pebrero, gipahibalo ni Pepito nga libre sa mga residente sa Bacayan ang pagkuha sa ilang barangay clearance ug uban pang importanteng mga sertipiko.
Plano ni Pepito nga andamon ang receiving area sa brgy. hall nga ihatag sa mga senior citizen kay ang ilang nahimutangan tungason nga lugar.
Niadtong Pebrero 14, nakahatag siya og 600 kapin ka school
supplies ug bags sa tunghaang elementarya sa Bacayan. /