Hubo nga workout sa gym
Usa ka ‘polyamourous’ nga magtiayon sa Brazil ang nibayad sa usa ka pampublikong gym nga mag-workout samtang gahubo.
Sumala pa sa artikulo sa New York Post nga ang ilang gibuhat “not-safe-for-workout” o NSFW.
“It’s a form of intimacy and complicity that goes beyond the conventional,” matod ni Bella Mantovani, 31, ngadto sa Jam Press.
Ang ilang polyamorous nga relasyon nagpasabot nga abli ang ilang relasyon sa ubang tawo.
Si Mantovani ug iyang bana nga si Vagner O Fera, 34, lumad sa Sao Paulo, nisikat nunot sa ilang nalahi nga lifestyle nga gi-promote pa gani nila sa usa ka billboard sa Times Square sa New York City.
Ang magtiayon aduna say OnlyFans diin mas gipainit nila ang ilang sex life pinaagi sa paglakawlakaw samtang gihigot sa liog si O Fera.
Karon, sa ilang videos, ilang gipakita nga gahubo sila samtang ga-workout sa gym nga ilang gibayran ang pasilidad.
Paambit ni Mantovani nga sa ilang gibuhat mas ubayubay ilang nasunog nga calories. Gani, iyang giangkon nga di mominos sa 56 ka libra na ilang nawagtang sa pag-workout nga hubo.
Sumala sa taho sa local media nga mas madasigon si O Fera sa paghimo’g ehersisyo nga hubo.
Gawas niini, ang magtiayon nagtuo nga mas hugot ang ilang relasyon nunot sa ilang gibuhat. “I don’t want another life,” ni Mantovanni.
Apan nunot sa ilang gibuhat, daghan sab nga mga netizen ang nakasaway niini labi na kon sila sington ug kon mogamit sila’g nagkadaiyang kagamitan sa gym.
“Oh no bro No one deserves sweaty ass,” sigun sa usa ka user.
Matod sa duha, naanad na sila sa mga pagsaway sa mga tawo ilaba ni na human sa ilang kasal niadtong 2011 ug paghawa sa simbahan aron tumanon ang ilang lifestyle.
“The prejudice of many is sometimes the desire to live like Bella and I live,” sigon ni O Fera.
“We are very happy and fulfilled. Our marriage [got stronger] after we started living free love. We are happier and trust each other more,” dugang ni Mantovani. /