Sarah, Regine gipasidunggan sa 1st Billboard PH Women in Music
Pipila sa mga ilado nga singers sa nasod gipasidunggan sa Billboard Philippines alang sa labing unang Women in Music Awards niini.
Ang awards night gipahigayon niadtong Marso 22 sa Samsung Hall sa SM Aura Premier sa Taguig City.
Si Sarah Geronimo mao ang napili nga Woman of the Year nga mi-perform usab sa iyahang sikat nga mga kanta sa wa pa gidawat ang award.
“Thank you once again to our amazing Women in Music for giving us the inspiration and motivation to continue reaching for our dreams. Billboard Philippines, ako po, I want to thank you personally for encouraging me to stay true, to be true to myself, na okay lang maging iba, okay lang maging ako,” tipik sa speech sa Popstar Royalty.
Si Sarah mao ang labing unang Pinay nga nakadawat sa Global Force Award atol usab sa Billboard Women in Music Awards sa California sayo ning buwana.
Samtang ang Asia’s Songbird Regine Velasquez usab gipasidunggan og Powerhouse award alang sa iyahang 37 ka tuig nga kontribusyon sa Original Pilipino Music.
“Siyempre binibigay natin ang entablado sa mga susunod na henerasyon, mga singers at songwriters, pero para po sa akin, ang akin pong legacy ay ang aking anak because people will forget about me, will forget about my voice, what I’ve done in the industry, but my son will always remember me. So my son is my legacy,” sa emusyonal nga mensahe ni Regine atol sa pagdawat niya sa iyahang award.
Lakip usab sa gipasidunggan si Pilita Corrales isip Icon Award, Moira dela Torre isip Hitmaker Award, Ena Mori isip Rulebreaker Award, BINI isip Rising Stars Award, Morissette isip People’s Choice Award, ug ang kanta ni Belle Mariano nga “Bugambilya” alang sa Listener’s Choice Award. /