Meteorite giilugan; tag-iya sa yuta midaug

STOCKHOLM - Usa ka tagiya og yuta sa Sweden nidaug sa usa ka legal nga kaso sa miaging semana human ang appeals court nihukom nga ang 14 ka kilo (31-pound) nga meteorite kinahanglan isipon nga “dili mabalhin nga kabtangan” ug kabahin sa yuta diin kini nakit-an .

Ang luna diin ang meteorite nitugpa adunay kabahin nga puthaw ug ang meteorite gama sa puthaw. Busa, kini ”cannot be easily separated from what is usually regarded as (immovable) property,”hukom sa Svea Court of Appeals.

Niadtong Nob. 7, 2020, usa ka puthaw nga meteorite nitugpa sa usa ka pribadong luna sa Uppland, amihanan sa Stockholm.

Sa Disyembre nianang tuiga, nakit-an kini sa duha ka geologists ug sa ngadtongadto gitugyan kini nila sa Swedish Museum of Natural History sa kaulohan sa Sweden.

Ang ahensya sa balita sa Sweden nga TT niingon nga ang tag-iya sa pribadong yuta diin kini nakit-an, si Johan Benzelstierna von Engestrom, niapelar sa Disyembre 2022 nga desisyon sa korte sa distrito sa Uppsala.

Ang desisyon nihatag sa mga nakakita sa bato nga sila si Andreas Forsberg ug Anders Zetterqvist og katungod tungod kay ang meteorite dili kabahin sa kabtangan, ug mabalhin nga kabtangan nga wala’y tag-iya.

Sa miaging semana, ang appeals court niingon nga ang puthaw nga meteorite “is made up of substances that are already present in the earth’s surface.”

Si Judge Robert Green niingon nga ang mga meteorite o mga bato sa kawanangan kinahanglang isipon nga “part of immovable property just like other stones, even though it may intuitively feel like it is something foreign to the earth.”