Iro nawala og 8 ka buwan; napalgan 3K ka kilometro
DETROIT - Usa ka iro nga nawala sa California mga walo ka buwan na ang nakalabay napalgan mga kapin sa 2,000 milya kun 3,200 ka kilmetro ang gilay-on sa suburban nga Detroit.
Ang mga polis sa Harper Woods mitubag sa usa ka tawag mahitungod sa usa ka saag nga iro sa miaging semana, gikuha ang terrier mix ug nakontak ang usa ka grupo sa animal welfare.
Ang Grosse Pointe Animal Adoption Society miingon nga daling nadiskubrehan nga ang iro, nga ginganlag Mishka, adunay usa ka identity chip nga gitisok diha kaniya uban sa impormasyon mahitungod sa iyang mga tag-iya.
Si Mehrad Houman ug ang iyang pamilya nagpuyo sa San Diego apan nagplano nga mobiyahe ngadto sa Minnesota sa dihang niabot ang tawag. Mitugpa siya didto ug dayon nagdrayb og 10 ka oras paingon sa Michigan alang sa usa ka reunion uban ni Mishka, ang grupo sa pagsagop miingon sa usa ka post sa Facebook nga adunay mga hulagway ug video .
“This is a tale that Hollywood would love to tell,” ingon sa grupo.
Si Mishka naglatagaw gikan sa trabahoan ni Houman, usa ka garahe sa awto, kaniadtong Hulyo ug wala na mobalik. Ang iyang collar adunay numero sa telepono sa pamilya.
“We think it was stolen and then it was sold and ended up in Michigan,” niingon si Corinne Martin, direktor sa grupo sa kaayohan sa hayop.
Ang asawa ni Houman, si Elizabeth, miingon nga kini “usa ka talagsaon nga panaw.”
“I never gave up,” matod niya. “I put up over a thousand flyers. I had a flyer on my back windshield. I wore her leash whenever I would look for her. ... Now I just want to find out how she got to Michigan.”
Gisusi sa beterinaryo nga si Nancy Pillsbury ang 3-anyos nga si Mishka, gihatagan siya og rabies shot ug gi-clear siya aron mopauli sa California.
“She was clean, well-fed. Whoever had her took good care of her,” sulti ni Pillsbury sa The Associated Press. “How she got here — that’s a story only Mishka knows.”