Unsay sekreto sa labing tiguwang nga lalaki?
LONDON - Ang labing tiguwang nga lalaki sa kalibutan niingon nga ang sekreto sa iyang taas nga kinabuhi mao ang swerte, di pagpalabiug mga isda ug chips matag Biyernes.
Ang Ingles nga si John Alfred Tinniswood, 111, gikumpirmar nga bag-ong naghupot sa titulo sa Guinness World Records.
Kini nunot sa kamatayon sa Venezuelan record-holder, Juan Vicente Pérez, karong bulana sa edad nga 114. Si Gisaburo Sonobe nga taga-Japan, kinsa maoy sunod nga labing taas og kinabuhi, namatay niadtong Marso 31 sa edad nga 112.
Gihatagan si Tinniswood og certificate sa Guinness World Records niadtong Huwebes sa care home diin siya nagpuyo sa Southport, amihanang kasadpan sa England.
Natawo sa Liverpool niadtong Agusto 26, 1912, pipila ka bulan human sa pagkalunod sa Titanic, si Tinniswood nabuhi sa duha ka gubat sa kalibotan, nagserbisyo sa British Army Pay Corps sa Ikaduhang Gubat sa Kalibutan.
Ang retiradong accountant ug apohan sa tuhod niingon nga ang di pagpalabi maoy yawe sa himsog nga kinabuhi. Dili siya manigarilyo, panagsa ra moinom ug walay espesyal nga pagkaon, gawas sa fish and chip nga panihapon kausa sa usa ka semana.
“If you drink too much or you eat too much or you walk too much — if you do too much of anything — you’re going to suffer eventually,” sulti ni Tinniswood sa Guinness World
Records.
Apan sa katapusan, siya niingon, it’s pure luck. You either live long or you live short, and you can’t do much about it.”
Ang labing tigulang nga babaye sa kalibutan, ug labing tigulang nga buhi nga tawo, mao ang 117-anyos nga si Maria Branyas Morera sa Spain.