Nagtapot nga kaluha nga 63 anyos namatay
Reading, Pennsylvania — Ang nagtapot nga kaluha nga sila si Lori ug George Schappell, kinsa managlahi og karera, interest ug relasyon sa panahon sa ilang kinabuhi nga nihagit sa medikal nga mga panglantaw, nangamatay karong bulana sa Pennsylvania, sumala sa mga opisyal sa punerarya. Sila nagpanuigon og 63.
Ang kaluha, nga gilista sa Guinness World Records isip labing tiguwang nga buhi nga conjoined twins, namatay sa Abril 7 sa Hospital of the University of Pennsylvania, sumala sa mga obitwaryo nga gi-post sa Leibensperger Funeral Homes sa Hamburg. Wala gidetalye ang hinungdan sa kamatayon.
“When we were born, the doctors didn’t think we’d make 30, but we proved them wrong,” matod ni Lori sa usa ka interview dihang niedad na og 50, taho sa The Philadelphia Inquirer.
Niangkon si George niadtong 2007 nga usa siya ka transgender.
Ang kaluha, natawo niadtong Sept. 18, 1961, sa West Reading, Pennsylvania, adunay managlahi’ng mga utok apan gidugtong ang ilang mga bagolbagol.
Si George, nga adunay spina bifida ug 4 ka pulgada nga mas mubo, itulod ni Lori sa usa ka adaptive wheeled stool.
Bisan kon ang matag usa kinahanglan nga moadto kon ang usa moadto kun magkuyog, “mahinungdanon kaayo” sa duha nga “magpuyo nga independente kutob sa mahimo,” ang obituary niingon.
Ang duha ninggradwar sa usa ka publikong hayskul ug ningkuha og mga klase sa kolehiyo.
Si George niuban sulod sa unom ka tuig samtang si Lori nagtrabaho sa usa ka labhanan sa ospital. Si Lori - “usa ka trophy-winning bowler,” sumala sa obituary notice - nibiya sa trabaho niadtong 1996 aron ang iyang igsuon makalunsad og country music career.
“Since the age of 24, they have maintained their own residence and have traveled extensively,” matod sa obituary notice. Sulod sa katuigan, silang duha nakita sa daghang documentaries ug talk shows, ingon man sa episode sa FX medical drama “Nip/Tuck.”
Ang Philadelphia Inquirer nitaho nga si Lori kaslunon na apan namatay ang iyang pamanhunon sa aksidente sa sakyanan.
“When I went on dates,” matod ni Lori, “George would bring along books to read.”
Ang kaluha niingon sa usa ka 1997 nga dokumentaryo nga sila adunay lain-laing mga eskedyul sa pagkaligo ug magpuli-puli sa usa ka higayon.
Si George nisulti sa paghatag sa usa ka tawo nga imong gihigugma ug gitahud “the privacy and compromise in situations that you would want them to give you.” Matod ni Lori nga ang pagtugot nagkahulogan nga “you don’t get everything you want right when you want it.”
Ang conjoined twins mahitabo kausa sa matag 50,000 ngadto sa 60,000 nga matawo kon ang managsama nga kaluha gikan sa usa ka embryo mapakyas sa pagbulag.
Mga 70% mga babaye, ug kadaghanan patay. Gamay ra nga porsyento ang gidugtong sa ulo.
Ang panagbulag giisip nga peligroso alang sa kaluha nga Schappell, apan gisultihan ni Lori Schappell ang The Associated Press sa 2002 nga interbyo sa apartment sa managkaluha nga wa siya nakakita og panginahanglan sa operasyon aron sila bulagon.
“You don’t mess with what God made, even if it means you enjoy both children for a shorter time,” matod niya. Sa 1997 documentary, si George hugot nga nisalikway sa ideya sa pagbulag nila, sa pag-ingon, “Why fix what is not broken?”
Dili pa klaro kon kinsa karon ang makakuha sa titulo sa labing tiguwang nga buhi nga conjoined twins. Ang labing tiguwang nga nadokumento mao sila si Ronnie ug Donnie Galyon, nga namatay sa 2020 sa edad nga 68. Si Eng ug Chang Bunker, ang ika-19 nga siglo nga “Siamese Twins” nga nakakuha og kabantog ingon sa usa ka circus act, nabuhi hangtod sa edad nga 63.