Walang atrasan
WALANG atrasan ang pagkandidato ng actor-politician na si Roderick Paulate for vice-mayor ng QC sa 2019 mid-term elections. Last term na niya bilang councilor ng second district, kaya target naman niya ang maging vice-mayor na running mate niya si Chuck Mathay bilang mayor. Father ito ni Ara Mina.
Nag-file na si Paulate ng Certificate of Candidacy (COC) at tatakbo siya sa ilalim ng bagong tatag na partidong KDP (Katipunan ng Demokratikong Pilipino). Aniya, nilapitan siya ni Mathay para maging running mate.
Makakalaban ni Roderick si Councilor Gian Sotto na si Vicemayor Joy Belmonte ang running mate. Ani Paulate, huwag silang pagkumparahin ni Sotto dahil mabait ito at mas may edad siya rito. Besides, bilang president protempore, kapag absent si VM Joy, si Roderick ang nagte-take-over. Siya ang nagpe-preside.
Expected
Malapit si Roderick Paulate kay Helen Gamboa-Sotto, mother ni Gian Sotto na wish niya, huwag maapektuhan ang magandang relasyon nila. What if, makiusap sa kanya si Helen na umatras siya para hindi sila magkalaban ni Gian?
“I don’t think, gagawin ‘yun ni Tita Helen,” ani Paulate. “Walang dahilan para umatras ako.” Expected na rin niya na muling mauungkat ang kaso laban sa kanya na aniya, five years and 11 months nang paulit-ulit na lang ang paninira sa kanya.
“Tumakbo ako o hindi, tinitira ako. Eh, di tumakbo na lang ako out of prinsipyo. Sana, maging demokratiko tayo. Gusto kong magkaroon ng choices ang mga tao na mabigyan sila ng karapatang makapili kung sino ang iboboto nila. “
Aniya, nag-e-enjoy siya sa pulitika. Ayaw lang niya ang hindi patas na labanan. Ayaw niya ng maruming paraan para manalo ang isang kandidato. “Hindi ako makakalaban kapag perahan.”
Walang pakialam
Kasama si Albie Casino sa “First Love” na pinagbibidahan nina Aga Muhlach at Bea Alonzo where he plays Bea’s brother. Aniya, marami siyang funny at crazy experiences during the shoot.
Sa isang interbyu, natanong si Albie tungkol sa pag-quit sa showbiz ng ex-girlfriend niyang si Andi Eigenmann. Aniya, wala siyang pakialam kahit ano pa ang gawin nito.
Isang model ang girlfriend ngayon ni Albie at magti-three years na ang kanilang relasyon. Hoping siya na ito na ang pakakasalan niya if and when he’s ready to settle down.