Gloria Diaz, pabor sa transgender candidate sa Miss Universe
PABOR na pabor si Miss Universe 1969 Gloria Diaz sa pagsali ng mga transgender women sa mga beauty pageants tulad na lang ng Miss Universe.
Sa unang pagkakataon ay may isang transgender candidate na sasali sa Miss Universe 2018. Ito ay si Miss Spain Angela Ponce na naging usapusapan sa buong mundo ang pagkapanalo dahil isa itong transwoman.
Tinanggal na kasi ng Miss Universe ang ban sa pagsali ng transwomen noong 2012. Kaya open na ang naturang pageant sa pagtanggap sa mga transgender candidate mula sa iba’t ibang bansa.
“Well, I have nothing against that, gusto ko nga ‘yun, eh.
“It’s more competition kasi and it doesn’t mean naman na you cannot be beautiful because you’re transgender, di ba?
“But I don’t know how it will affect the competition itself because usually kapag beauty contest ‘yung babae ang parang reyna.
“But let’s see what happens. Hindi ba parang exciting kasi may something different na sa Miss Universe?” ngiti pa ni Gloria.
Pinaalala nga ni Gloria na naging judge na siya noon ng “Super Sireyna” sa “Eat Bulaga.” Sobra ang paghanga niya sa mga transwomen na sumali sa naturang contest.
“Ang gaganda talaga ng mga ‘Super Sireyna’ contestants. Even sa malapitan ang gaganda nila. Talo kaming mga tunay na
babae!” pagtatapos pa niya.