MANILA:

Patay ang isang cigarette vendor nang masagasaan ng train ng Philippine National Railways sa Pandacan, Manila Sabado ng gabi.

Kinilala ni SPO2 Bert Francisco ng Manila Police District Traffic Enforcement Unit ang biktima na si Romeo Loria, 55, residente ng Jesus St. sa Pandacan.

Ayon sa imbestigasyon, nakaupo umano ang biktima sa riles sa Tomas Claudio St. at hindi napansin ang paparating na train. Huli na nang mapansin ng biktima ang paparating na train at nahagip ito.

Dinala ng barangay officials ang biktima sa ospital kung saan siya binawian ng buhay makaraan ng ilang oras.