Silang Duterte ug Trump

Sa ilang panagtagbo sa nagpadayon nga tigom sa ASEAN, nabantang ang managsama nga mga sirkumstansiya nila ni Presidente Rodrigo Duterte ug US President Donald Trump:

•Pulos sila wa paabuta nga modaog sa nagsunod nga mga piniliay sa niaging tuig (Si Duterte sa Mayo ug si Trump sa Nobyembre);

•Pulos sila nipasalig sa pagpatuman og dagkong kausaban human gisaway pag-ayo ang pamunoan nga ilang gipulihan; ug

•Pulos sila nagpakita og mga timaan sa pagpanglaktod sa mga lagda ug sa pag-insistir sa pagpatuman unsa ang ilang gusto.

* * *

Nagkita silang Duterte ug Trump nga pulos napahinumdoman nga kinahanglan sila nga mosubay sa mga lagda:

•Si Trump subli-subli nga gipugngan sa mga hukmanan sa iyang ban sa mga Muslim ug ubang mga langyaw ug nagsige og kabawo sa iyang tinguha pagbasura sa programa sa health care ni kanhi Presidente Barack Obama; samtang

•Sa iyang bahin, si Duterte gibalibaran sa Kongreso sa iyang planopagtudloogbag-ongmgabarangaykapitanugsapagbanhaw sa silot sa kamatayon ug karong bag-o gibaraw sa militar sa iyang hulga pagdeklarar og revolutionary government.

* * *

Mas popular si Duterte kay ni Trump sukad sa sinugdanan. Nilabaw og kapin sa 6 milyones ka boto sa labing higpit niyang karibal nga si Mar Roxas. Samtang nidaog si Trump sa electoral vote (nga maoy motino kinsay makalingkod sa White House), nalabwan siya ni Hillary Clinton og dul-an sa 3 milyones sa popular vote.

Sa ilang panagkita sa APEC ug ASEAN summits sa Vietnam ug Pilipinas, nitidlom og diyutay ang popularidad ni Duterte apan ang kang Trump nitibugsok sa labing ubos nga ang-ang kon itandi sa iyang gisundan nga mga presidente sa US sa bag-ong panahon.

***

Pulos sab sila nag-atubang og eskandalo: Si Trump gipasanginlang nakapahimus sa pagpanghilabot sa Russia sa piniliay’ng presidensiyal sa US ug si Duterte gipasanginlang nagtago og kapin sa P2 bilyones nga katigayonan sa bangko samtang nagdupa sa mga krimen sa mga sakop sa iyang pamilya.

Si Duterte nakalingkawas na sa impeachment complaint batokniyatungodsamakabungogniyangmayoriyasaKongreso. Apan si Trump di kagawong sa iyang tinudlong special counsel ug di makalaom nga duphan sa Republican Party nga gisigehan niyaogsaway.