The Freeman

Nganong nalipat ang WHO?

-

Nganong nalutsan man ang World Health Organizati­on (WHO) sa mga komplikasy­on sa bakuna batok sa dengue? Nganong gitugotan man sa mga eksperto sa WHO ang pagpamalig­ya na sa Dengvaxia bisan wa pa hingpit nga matino ang kaluwas ini ngadto sa mga pasyente?

Nganong nagkarakar­a man sab ang kadagkoan sa Department of Health (DOH) sa Pilipinas nga mao ang labing una nga nasud sa Asya ug ikaduha sa tibuok kalibotan nga nigamit sa bakuna niadtong Disyembre 2015? Ikapasabot ba sa nagsulbong nga mga kaso sa dengue ang nabisto na karong bag-o nga kalibotano­n nga pagpanglak­tod?

***

Una nga nangangkon ang Sanofi Pasteur sa kaepektibo sa Dengvaxia batok sa dengue niadtong Hulyo 2015. Gidasonan dayon sa WHO ang pagpakatap sa bakuna sa mga nasud nga labing daghan ang mga kaso sa dengue.

Nipasalig ang Sanofi ug WHO sa kaluwas sa bakuna human sa $1.5 bilyones nga 20 ka tuig nga pagtuon, 25 ka clinical trials sa 15 ka nasud uban ang kapin sa 40,000 ka boluntaryo, nga ang 29,000 nakadawat sa bakuna. Ang unang 11 ka nasud nga nigamit sa bakuna: Mexico, Pilipinas, Indonesia, Brazil, El Salvador, Costa Rica, Paraguay, Guatemala, Peru, Thailand, ug Singapore.

***

Mga eksperto sa Imperial College London, Johns Hopkins Bloomberg School of Public Health ug University of Florida ang nakabantay sa buslot sa unom ka tuig nga clinical trials: Inay maluwas, mameligro sa bakuna ang mga pasyente nga wa pa sukad matapti og dengue.

Tungod ni sa talagsaon nga epekto sa dengue ngadto sa immune system: Ang pasyente nga mataptan sa dengue sa labing una nga higayon makamugna og antibodies nga makapanali­pod unta niya gikan sa umaabot nga samang kagaw; apan kon mataptan na sab siya og dengue, ang antibodies motabang sa bag-ong kagaw pagsud sa lawas nga mosangpot sa mas grabe nga sakit.

***

Dako nga pildero ang Sanofi. Napapas ang gipaabot nga $200 bilyones nga kita sa Dengvaxia sa 2016. Gibasol sa Sanofi ang kagamay pa sa mga nasud nga nangompra sa bakuna.

May nag-ung-ong sab nga bag-o nga mga bakuna batok sa dengue: DENVax sa Takeda nga mogawas karong 2020; ug mga bakuna sa Brazil, Estados Unidos, ug India.

 ??  ??

Newspapers in English

Newspapers from Philippines