Buhis nga di kapuslan
Sa tanan nga sakop sa Kongreso, si Senador Bam Aquino ang nagsige og pasidaan sa mga probisyon sa Tax Reform for Acceleration and Inclusion (TRAIN) nga makadaot sa katawhan. Giawhag niya ang mga magbuhis pagpadayag sa ilang pagsupak sa di pa mapasar sa House of Representatives ug Senado ug sa di pa mapirmahan ni Presidente Rodrigo Duterte ang balaod.
Apan natabonan ang iyang tingog sa mas lanog nga pasalig sa mas dako nga take home pay sa mga kawani kay wa nay income tax ang mga nagsuweldo og hangtod sa P21,000 matag buwan.
***
Duha ang sukaranan ni Aquino sa pagsupak sa TRAIN hangtod sa botasyon sa mga senador sa hiniusa nga bersiyon nga naumol sa bicameral conference committee sa niagi nga buwan:
•Una, ang magkanit-kanit nga epekto sa bag-o nga buhis sa plitehan sa mga sakyanan nga pamasahero ug sa presyo sa inadlaw nga palaliton; ug
•Ikaduha, ang kamakaluluoy sa labing kabos sa katawhan nga wa'y dugang take home pay apan magbaguod sa bug-at nga palas-unon sa mas taas nga presyo sa inadlaw nila nga mga panginahanglan. Atol sa Arangkada sa dyAB Abante Pa, Bisaya!, gibutyag ni Aquino nga atol sa deliberasyon sa TRAIN sa niagi nga tuig nagsige og pasalig ang administrasyon nga hatagan og dugang financial assistance ang labing kabos nga 10 milyon ka pamilya.
Apan nahugno si Aquino nga dayong botasyon sa TRAIN sa niagi nga buwan nilubad na ang administrasyon sa pagangkon nga di pa diay andam ang sistema ug unya pa sa Septiyembre karong tuiga sila makasugod og hatag sa dugang nga hinabang.
Nipasidaan sab si Aquino nga mausik ang gibana-bana nga P140 bilyones nga buhis nga makolekta sa nasudnong gobyerno gikan sa bag-o nga excise tax karong tuiga kay wa'y katakos ang mga buhatan sa gobyerno sa paggasto sa kinatibuk-an nga gahin sa ila nga mga proyekto.
Gi tum bo kn iAqui no an gDP W H, De pEd,ugu bang bu hat an nga mouli karo'ng buwana og binilyon ka pesos sa wa maggasto sa ilang budget sa niaging tuig. Kon di masulbad ang underspending, nipasidaan si Aquino nga mabuktot ang katawhan sa makalilisang nga mga buhis nga di ra diay mapuslan.