Sabotahe sa bugas humay
Motidlom na ang presyo sa commercial rice sa kamerkadohan sa Metro Cebu sa mosunod nga mga adlaw. Kini tungod sa pagpagawas sa National Food Authority (NFA) sa ilang gitipigan nga bugas ngadto sa ilang accredited nga retailers. Mao ni pasalig ni Consolacion Mayor Teresa Alegado nga labing suhito sa industriya sa bugas tungod sa iyang pagduma sa Grains Retailers Confederation of the Philippines (Grecon).
Matod ni Alegado ang pagbalik sa mas baratong NFA rice sa kamerkadohan makapugos sa suppliers sa commercial rice pagpaubos sa presyo nga nisaka og P2 ngadto sa P5 matag kilo human putla ang rice allocation niadtong Pebrero.
***
Nipadayag og kasubo si Alegado sa kapakyas sa NFA sa batakan nilang gimbuhaton:Ang pagtanyag sa mga konsumidor og mas baratong alternatibo sa mas mahal nga commercial rice; o pagpabaha og bugas sa kamerkadohan kon magnihit ang suplay.
Gibasol niya ang kadagkoan sa NFA sa wa pagtagad pagpamalit og tipasi gikan sa mga mag-uuma bisan sa abundang ani sa niaging tuig kay hingpit na lang nga nagsalig sa mas sayon nga importasyon sa bugas humay gikan sa ubang kanasuran. May makapakugang nga kasayuran nga gibutyag si Alegado atol sa iyang pakighinabi ni June Perez sa programang BMPM sa dyAB Abante Pa, Bisaya!: May imported nga bugas nga para unta sa Sugbo nga gida ngadto sa mga lalawigan nga may lapad nga basakan ug gibalik dinhi nga wa gani ilisi og mga sako isip commercial rice. Mas makapakugang ni kon ipuno sa laing kasayuran nga gibisto ni Assistant Secretary Mercedita Sombilla sa National Economic and Development-Authority: Nisaka og 245% ang bugas nga gipagawas sa NFA niadtong Enero ning tuiga.
Gituyo ba sa NFAang paghurot sa ilang pundo pinaagi sa pakigkonsabo sa hakog nga commercial rice traders ug sa pagpagawas og mas daghang bugas niadtong Enero aron lang mapugos ang administrasyon sa pag-import og dugang bugas humay?
Angay nga susihon ang abunda nga mga timaan sa sabotahe san asudn on geko nomi ya-an gm gap asangiln ga may mg a op is y al sa NFA nga nag-apas sa komisyon sa importasyon ug ang pagpatuyang sa panagsungi sa NFAug NFACouncil bahala na kon maduhig ang kinabag-an sa katawhan.