COA ang sunod nga puntirya
Gikuyawan ko sa Commission on Audit (COA) nga mao'y sunod nga puntiryahon sa Malakanyang. Tungod sa ilang sunudsunod nga pagpagawas sa audit findings nga nipasangil og kahiwian sa nagkalainlaing mga buhatan sa nasudnong gobyerno nga giduma sa mga tinudlo ni Presidente Rodrigo Duterte.
Di angay'ng hangpon ang kahigayonan nga sila ang sunod nga malingian sa mga tagduma sa palasyo. Tan-awa lang gud unsay nahitabo sa mga nangahas pagsukwahi sa mga nagtungkawo karon sa Malakanyang, sama nilang Senador Leila de Lima, Ombudsman Conchita Carpio-Morales, ug Supreme Court Chief Justice Maria Lourdes Sereno. Pipila sa findings sa COA nga wa makalingaw sa Malakanyang:
•Kapakyas sa Presidential Communications Operations Office (PCOO) pag-liquidate sa minilyon ka pesos nga gasto sa ilangpag ku yog sam ga biyahe ni Presidente Dute rte ni ad tong 2016;
•Nasobrahang suweldo ug gidaghanon sa consultants ug mga kawani sa Presidential Legislative Liaison Office (PLLO) nga giduma sa Sugbuanong si Kalihim Adelino Sitoy; ug
•Kakuwang og mga dokumento sa P60 milyones nga advertisements nga gibutang ni Tourism Secretary Wanda Teo sa programa sa telebisyon sa iyang kaugalingong igsuon nga si Ben Tulfo. Bisan sa wa pa makalingkod sa Malakanyang, si Presidente Duterte nakaengkuwentro na sa COA. Kansang auditors nagduda nga ghost employees ang 11,000 ka kontraktuwal nga kawani sa Davao City Hall nga gisuweldohan og P708 milyones niadtong 2014.
Sa unang unom ka buwan pa lang nga pagbanos sa Malakanyang, gibuyag na sab sa COA si Presidente Duterte tungod sa 6,200% nga paglayat sa gasto sa iyang buhatan sa pagpasidungog sa kapolisan nga niabot og P6.8 milyones niadto lang 2016.
Hi naotng asama k ali g-onogl utahan ni lang de Lima, Moral es, ug Sereno ang pangu karon sa COAnga si Michael Aguinaldo, kansang pito ka tuig nga termino mapupos unya pa sa 2022, ang kataposang tuig sa pamunoang Duterte.
Kay karon pa lang gipasidan-an na sila sa presidente nga di manghilabot sa mga proyekto sa gobiyerno ug nga di ipamugos nga ang labing barato mao'y modaog sa mga subasta. Gipasanginlan sab ang mga utok sa pag-usab sa 1987 Constitution nga nagtinguha sa pagpahimutang sa COA, Comelec, ug Civil Service Commission ubos sa hingpit nga pagkontrolar sa presidente.