Kampanya nga atik ra
Sama sa ubang mga sakop sa gabinete nga iyang gitaktak, wa maghisgot si Presidente Rodrigo Duterte sa pagpasaka og mga kaso batok ni kanhi Tourism Secretary Wanda Tulfo Teo. Maong nisibaw na sab ang mga awhag gikan sa nagpakabana nga mga pundok nga angay’ng patubagon si Teo sa pagsud sa mga transaksiyon nga way klarong mga dokumento uban sa iyang kaugalingong mga igsuon.
Panagang ni Presidential Spokesman Harry Roque: Si Ombudsman Conchita Carpio-Morales maoy angay nga mopasaka og mga kaso kon nakahimo og kalapasan ang natangtang nga mga tinudlo sa presidente.
***
May sukaranan ang sumbalik sa panagang sa Malakanyang: Unsa may gihimo sa Presidential AntiCorruption Commission (PACC) nga gitukod ni Presidente Duterte niadtong Oktubre sa niaging tuig aron pagbadlong sa pangurakot sa executive department?
Nganong wa may tingog bisan ek na lang ang mga komisyonado sa PACC sa mga kontrobersiya nga nahiagoman sa 17 na ka napalagpot nga mga opisyal? Kon dasonan nila’ng awhag ni Roque nga Ombudsman ang angayng mangimbestigar sa mga pasangil sa kahiwian batok sa mga tinudlo ni Presidente Duterte, unsa man diay ang ilang (PACC) kapuslanan?
***
Ang PACC nga gitukod sa Executive Order (EO) No. 43 nga gipirmahan ni Presidente Duterte niadtong Oktubre 4, 2017 gipangu lo hanni Dante Jimenez, ang chairman sa Volunteers Against Crime and Corruption (VACC). Gitudlong mga komisyonado silang Rickson Chiong, GrecoAntonious Beda Banta Belgica ug Gregorio Luis Contacto III.
Kataposan silang nakit-an sa Malakanyang dihang nanumpa atubangan sa presidente niadtong Marso 6 karong tuiga. Niadtong higayona nanganti silang molusad og lifestyle check sa tanang tinudlo sa presidente.
***
Kataposan silang nadunggan sa publiko niadtongAbril 21 karong tuiga dihang nirekomendar sa presidente sa pagimbestigar sa upat ka sakop sa gabinete nga ilang gipasanginlan og kahiwian. Human niadto wa na silay kisaw.
Tak-om ug kiyugpos sila sa tanyag ni Presidente Duterte nga mahimo nilang lilion ang iyang bank accounts aron masusi an gm gap asangilng am ayg it ago an si yangilegalng aka ti gay on an nga kapin sa P2 bilyones. Hangtod nga mangisog ang PACC ug gukdon gyod sa presidente ang abusado niyang mga tinudlo, magpabilin ang mga pagduda nga ang gipasigarbo niyang kampanya batok sa pangurakot atik ra.