Lahutay ni Rama

Sultihi og bisan unsa si kanhi Cebu City Mayor Mike Rama, kay wa man siya igdungog nga saputon dayon kon sawayon, bisan kon bugal-bugalan pa ang way kahumanan niyang mga istorya, di nimo siya kapasanginlan nga motahan dayon.

Bisan sa daghang pagsuway nga iyang nahiagoman, si Rama nagpabiling kumbinsido nga siya ang tinuod nga

mananaog sa niaging piniliay ug nga makabalik ra siya sa City Hall pinaagi sa pagmatuod sa iyang labaw sa nagpadayon nga recount sa Commission on Elections (COMELEC) o pagdaog sa piniliay sunod tuig batok ni Mayor Tommy Osmeña.

***

Apan human sa piniliay sa Barangay ug Sangguniang Kabataan (SK), nitumaw ang mga timaan nga ang iyang politikanhong makinarya di na sama kalig-on. Mayoriya sa napili nga mga kapitan ug SK chairpersons mga alyado ni OsmeñabusamahimongmapapasnasabangmayoriyaniRama sa City Council.

Nibali pa gani ang pipila ka kapitan nga nidaog unta ubos sa grupo ni Rama. Ang piniliay sa SK Cebu City Federation niadtong Martes nagpakita nga naibanan og tulo ang 47 niya ka SK chairpersons, usa nibotar sa pikas ug duha wa mosuwat og ngan sa ilang balota.

***

Bisan sa wa pang piniliay niadtong Mayo 14, may makahasol nang mga timaan sa politikanhong kaugmaon ni Rama:

Nibalitok ang iyang kaubanan sa PDP-Laban, wa na motawag sa ilang grupo nga Team Rama ug si Bise Mayor Edgar Labella nipahibawo nga mahimong modagan siya pagka mayor; ug

Sa botasyon sa mga barangay kapitan sud sa Rama compound, ang mayoriya way kukaikog nga nituboy sa kandidatura ni Labella.

***