Just Love Bazaar
Naproblema ka ba unsaon ang karaan nimong mga butang nga kapuslan pa apan wa na nimo magamit sa dugay nang panahon? Naghuot na ba ang imong mga butanganan, hastang mga suok sa imong pinuy-anan, kay usikan kang molabay ug wa say kahatagan?
Mahimong makatabang mi sa pagsulbad sa imong problema. Usa sa bag-ong mapuno sa Grand Halad sa Kapamilya, ang labing dakong piyesta sa libreng mga pangalagad sa Sugbo, ang “Just Love Bazaar.” Nga magpasundayag sa mga butang nga wa na gamita sa orihinal nga tag-iya apan kapuslan pa sa mas nagkinahanglan.
Mahimong ihatod sa ABS-CBN Broadcast Complex sa Jagobiao, Mandaue City ang mga butang nga mahimong maglakip sa mosunod: Appliances, gadgets, mga gamit sa kusina, bag, sapatos ug ubang mga gamit sa panimay. Manghangyo mi nga di lang nato iapil palihug ang ginamit nga mga sinina.
Among hapnigon sa pagpasundayag ang inyong mga butang sa classroom sa main campus sa Cebu Technological University (CTU), nga mao’y pahigayonan sa Grand Halad karong Hunyo 30, aron nga makatarung sa pagpili ang labing tabanganan sa mga pasyente ug ubang manambong sa kalihokan.
***
Kinsa man ang maka-shopping sa Just Love Bazaar? Kay di man maapod ang kaliboan ka kasagarang moapil sa Grand Halad, manghatag mi og Just Love coupons. Giyahan namo sila paingon sa bazaar ug magpuli-puli sila og sud sa classroom.
Hatagan namo ang matag usa og hangtod sa tulo ka gutlo sa pagpili sa mga butang nga labi nilang kapuslan, dayong manggawas sila aron kapulihan sa sunod nga hugna sa mga nahatagan og coupons.
* * *
Di mahimo nga i-raffle ang mahipos nga mga butang. Di mi mahimong magsaba-saba kay di magdungog ang mga mananambal ug mga pasyente. Gawas pa, mahimong ang matsambahan nga mga butang di mao’y gikinahanglan sa mga makadaog.
Tanang butang nga among matigom ug mapasundayag sa bazaar, bisan unsa kamahalon, bisan unsa kadako, bisan unsa kamapuslanon ug bisan unsa kabag-o (sa kataposan namong subay naglakip og smartphones, laptops, desktops, TV sets, mga platong bildo, baso, kutsara ug tinidor, rice cooker, toaster, plantsa, water dispenser, sapatos, bags ug relo), libre. Way bayranan bisan usa ka dako. Just Love.