Duterte sad-an sa krisis
Niadtong Abril 2017, labihang sukoa ni Presidente Rodrigo Duterte nga giapura ang importasyon sa bugas humay samtang nagpadayon ang ani sa mga mag-uuma nga gipalagpot niya sa katungdanan ang Bol-anon nga si Cabinet Undersecretary Maia
Chiara Halmen Reina Valdez, ang pangabaga sa laing Bol-anon nga si Cabinet Secretary Jun Evasco.
Sa Abril karong tuiga, labihang sukoa na sab ni Presidente Duterte nga nalangay ang importasyon sa bugas humay bisan nagpadayon ang ani sa mga mag-uuma nga gipalagpot niya si Evasco na g'yud mismo isip chairman sa National Food Authority Council.
*** Wag'yoybisanusanganakahunghongniPresidenteDuterte nga sakto si Valdez ug siya ang sayop sa panginahanglan pagimport na og bugas humay saAbril sa niaging tuig.
Tungod tingali sa kahadlok sa iyang kasaputon ug kahimalikas, wa g'yuy bisan usa sa mga naglibot niya nga nangahas pagsulti sa presidente nga siya ang matulisok sa kalangay sa importasyon nga nisangpot sa paghimo niya og kasaysayan: Siya ang labing unang presidente nga nakaingon sa hingpit nga pagkabasiyo, nga natilok ang kataposang lugas sa bugas humay, sa tanang bodega sa NFA.
***
Ang nakaaghat ni Presidente Duterte sa pagpatigbabaw sa napamatud-an nga sayop nga baruganan nga nakamugna sa higanteng krisis sa bugas mao ang iyang pinangga nga si NFA Administrator JasonAquino.Ang kanhi rebeldeng sundawo mao'y gipasidunggan nga nakakumbinser niya niadto pang 2014 sa pagdagan pagka presidente.
Ambot pila pa ka bulilyaso niAquino ang lingiw-lingiwan sa presidente bugti sa pag-ulug-ulog ni Aquino niya nga segurong modaog sa labing taas nga katungdanan sa nasud, niadtong pulos bugalbugal ang nadawat sa posible niyang kandidatura.
***
Di lang panagsungi sa opinyon ug kakuwang sa katakos pagduma sa industriya sa bugas ang gipasikaran ni Evasco pagawhagniPresidenteDutertepagpalagpotniAquinosaNFA.May mga dokumentong gitunol ni Evasco sa presidente sa posibleng sukaranan sa krisis sa bugas humay.
Nahibaw-an ni Evasco niadtong Marso sa niaging tuig nga gipasimang niAquino ang NFArice nga balor og P235 milyones gikan sa Eastern Visayas ngadto sa mga negosyante og bugas humay sa Bulacan nga gipangulohan sa asawa niAquino.Apan bisan sa ilang kasuod giisnab ni Duterte si Evasco.