Padayong pakauwaw ni Lapu-Lapu
Sa iyang pagpangampanya sa labing taas nga katungdanan sa nasud, gisaad ni Presidente Rodrigo Duterte nga iya dayong imando nga ilhon si Lapu-Lapu nga nasudnong bayani. Duha ka tuig human nakabanos sa Malakanyang, gipirmahan sa presidente ang balaod nga parsiyal nga nituman sa iyang saad.
Nasudnong holiday na ang Abril 27 matag tuig pasidungog sa kadaogan ni Lapu-Lapu batok sa langyaw nga mga manggugubat nga gipangulohan ni Ferdinand Magellan niadtong 1521. Apan dunay trabaho ug dunay klase. Sama sa naandan, ang Dakbayan sa Lapu-Lapu ra gihapon maoy mag-special non-working holiday.
***
Nakalimot na ba diay si Presidente Duterte sa iyang saad? Pagpaka-aron-ingnon ra ba diay tong pagpadayag sa iyang kahimangodngagihimorangisdasiLapu-Lapuuggiulog-ulogan lang sa pagbutang sa usa ka dako nga wa nay maghago og punit kon maagian sa dan?
Kaingon nato nga tinuod siyang na-insulto sa pag-ila sa National Heroes Committee og siyam ra ka nasudnong bayani: Jose Rizal, Andres Bonifacio, Emilio Aguinaldo, Apolinario Mabini, Marcelo H. del Pilar, Sultan Dipatuan Kudarat, Juan Luna, Melchora Aquino ug Gabriela Silang. Nganong ang-ang mang holiday ang kang Lapu-Lapu?
***
Nakumbinser ba si Presidente Duterte sa tiyabaw sa mga negosyante nga nasobrahan ra ang kadaghan sa holidays sa Pilipinas? Apan nganong si Lapu-Lapu man ang gisakripisyo human niya gihangop ang nasudnong holiday nga gisugyot ni Senador Manny Pacquiao matag Enero 25?
Sakto ang presidente atol sa kampanya: Si Lapu-Lapu ang labing unang nisukol ug nidaog sa gubat batok sa mga langyaw. Ambot unsay nakapaubos ni Lapu-Lapu sa iyang panglantaw sa president sa niaging duha ka tuig.
***
Unsa ba tinuod kamakahuloganon ang kaisog ug kadaogan ni Lapu-Lapu? Kon wa pa siya mangahas sa pagsukol ni Magellan, human niyukbo na sa mga langyaw ang mga pangu sa kasilinganang mga isla sa Sugbo ug Limasawa, mas sayo unta ta nga naulipon.
Nagsugod na untang paggawong sa Espanya sa Sugbo ug sa nasud niadtong 1521 ubos ni Magellan inay sa 1565 ubos ni Miguel Lopez de Legazpi. Nakapahimus ang atong katiguwangan og dugang 44 ka tuig sa kaugalingnan sa ilang kultura ug panginabuhi sa wa pa panamastamasi ang ilang kadungganan ug gitilok pagkawat ang ilang katigayonan.