Mas interesado sa taga kay sa balita

Pila na ka tuig nga nahimo ang akong YouTube Channel pero wa ko magtagad pag-monetize. Tungod sa akong trabaho sa dyAB AM ug, human gipawong sa gobyerno ang ABS-CBN Cebu, sa among pagsugod sa SibyaTV. Tagsa ra kong nag-upload og video. Wa gani magsusi pila subscribers pero 500 pang watch hours. Human lang sa pila ka adlaw, nalapsan ang gikinahanglan nga 4,000 ug giawhag ko sa YouTube paghikay sa mga panginahanglan sa monetization. Sayon rang mga panginahanglan. Pero nasangit dihang gipangayoan og US Individual Taxpayer Identification Number (ITIN). Maayo na lang nga may nakagiya nako og laing ruta. Nga ako rang TIN sa Pilipinas ang gikinahanglan. *** Ako ning gisuwat nga puno sa kahinangop. Kay gawas nga giaprobahan nang monetization sa channel, nagiyahan pa g’yud ko unsaon pag-simulcast sa YouTube ug Facebook ginamit ang OBS (Open Broadcaster Software). Way bayad. Karong duna nay bahin sa kita sa advertisements, nasubay nako nga ang video nga kinadaghanan og views (83,000) maong akong interview sa mangingisda sa Siargao siyam ka tuig nang nilabay nga nitudlo unsaon pagtaod og paon sa dagkong taga pagdakop sa higanteng mga isda. Nakapaamgo nako nga, labaw sa inadlawng balita ug komentaryo, mas daghang interesado sa mas mapuslanong mga aspeto sa kinabuhi. nay subscribers. Nikalit ko og ka-interesado sa channel dihang wa nay trabaho. Akong gitun-an mahimo ba nga alternatibong panginabuhi. Makapahugno ang akong nahibaw-an: Wa pang kaabot sa minimum nga 1,000 ang subscribers ug 4,000 watch hours sa nihit nga uploaded videos. *** Maong nitingob sa akong panahon sa SibyaTV kay, salamat sa kakugi nilang Atty. DX Lapid, Atty. Ralph Sevilla, ug DJ Rick (Roy Racaza), monetized nang among YouTube channel ug Facebook page ug rehistrado na mi sa Securities and Exchange Commission. Pero nakugang ko sa niaging semana dihang gidid-an pagsibya sa naandang paagi. Giingnan mi sa Restream, ang kompaniya nga nipasayon sa among livestreaming sa social media platforms, nga kinahanglan ming mo-upgrade. Bisan may usa ka buwan pang nahibilin sa among subscription. Maong napugos sa pagbalik og duaw sa akong channel. *** Daghang salamat sa kamasinabuton sa among viewers, natultolan nila ang channel. Kapin na sa libo ang