Mga dinastiya sa Sugbo
Gisugo sa 1987 Constitution, usa sa bunga sa kadaogan sa EDSA People Power Revolution batok sa diktadura ni Ferdinand Marcos Sr., ang pagdili sa politikanhong mga dinastiya. Pero pabilin nga wa mapatuman tungod sa pagdumili sa Kongreso nga, nakatag-an ka, gidominahan sa mga dinastiya.
Naglaom ang revolutionary government ni anhing presidente Cory Aquino nga mabungkag ang mga dinastiya pinaagi sa mga eleksiyon. Nataligam-an nila nga ang pagpabilin sa
mga dinastiya human sa diktadura padayon nga nihigpit sa kagawasan sa mga botante sa pagpili sa labing tarung nga mga lider. Mangahas ko og lista sa pipila ka dinastiya sa Sugbo, kuwangon ang atong luna para sa tanan, nga imbes mapapas nisamot na hinuon sa paglambo 38 ka tuig human sa rebolusyon:
• Mga Garcia nga naglakip nilang Gobernador Gwen Garcia, Tourism Secretary Christina Garcia Frasco, Kongresista Pablo John Garcia sa ikatulong distrito, Kongresista Duke Frasco sa ikalimang distrito, Mayor Pablo John Garcia IV sa Barili, ug Mayor Aljew Frasco sa Liloan.
• Lapu-Lapu City Mayor Ahong Chan, Kongresista Cindi Chan, ABC President Daday Chan, SK Federation President Orlan Chan-Carungay, City Sports Commissioner Vince Chan-Carungay, ug Epidemiology and Surveillance Unit Head Grace Chan Carungay.
• Danao City Mayor Mix Durano, Bise Mayor Nito Durano, Konsehal Monching Durano, Konsehal Ivy Durano, Konsehal Miguel Magpale, ug Sogod Mayor Moonyeen Durano Streegan, Sogod Vice Mayor Richard Streegan, ug Taboc, Danao City Barangay Kapitan Dino Durano Sybico.
• 7th District Representative Peter Calderon, Samboan Mayor Tito Calderon, Samboan Councilor Marissa Calderon-Alazas, ug 2nd District Board Member Raymond Calderon.
• Mandaue City District Representative Lolypop Ouano Dizon, Board Member Alfie Ouano, Mandaue City Councilor Anjong Ouano Icalina, Consolacion Councilor Alfie Ouano, ug Opao Barangay Kapitan Nixon Dizon.
• Ako Bisaya Partylist Representative Sonny Lagon, 6th District Representative Daphne Lagon, Konsehal Dason Larenz Lagon sa Cordova, ug Konsehal Dason Lorenz Lagon sa Tuburan.
• Naga City Mayor Val Chiong, Bise Mayor Virgilio Chiong, ug Konsehal Clint Chiong.
• Bogo City Mayor Carlo Martinez, Bise Mayor Mayel Martinez, ug ABC Provincial Federation President Tining Martinez.
• Aloguinsan Mayor Cesare Ignatius Moreno, Bise Mayor Raisa Moreno, ug Konsehal Christian Moreno.
• Tuburan Mayor Aljun Diamante, Bise Mayor Danny Diamante, ug Konsehal Wilfredo Diamante.