Mount Kanlaon gibantayan sa Phivolcs

GIPAGAWAS na sa Department of Science and Technology (DOST) and usa ka pahimangno ngadto sa publiko nga nanimuyo duol sa bulkan sa Kanlaon, dala sa gipakita niining dili maayong timailhan.

Pinaagi sa Philippine Institute of Volcanology and Seismology (PHIVOLCS) sa DOST, napagawas na ang mga bullentins kabahin sa mga namatikdang paglihok sa bulkan nga nia sa Central Visayas, ug naa sa Negros Oriental.

Niadtong Nobyembre, napagawas sa PHILVOCS ang Kanlaon Bulletin Number 25 nga nagsaysay sa di kasarangang kalihukan sa bulkan.

Segun sa PHIVOLCS, ilang namatikdan pinaagi sa seismic monitoring network ang napulo ug usa ka linug nga dala sa nag-alintabo nga bulkan, sa ilang pantukas sa katapusang 24 ka oras.

Gitaho usab sa ahensya nga tigmonitor sa mga linug nga may ginagmay nga pagalisngaw sa kolor de gatas nga aso ug mga abo nga nagsiga nga gibuga ngadto sa gitas-on nga 150 ka metros ibabaw sa baba sa bulkan.

Kini usab ng aso gipadpad ngadto sa kabagatang kasadpan, segun sa namatikdan niadtong imaging buntag. Dala niini, ang Alert Level 1 status karon padayong naghabol sa ibabaw sa bulkan sa Kanlaon, subay sa nasinati niining dili kasarangan nga kahimtang niini nga naa sa pagalingasa.

Tungod usab sa hitabo, ang local government units u gang publiko gipahimangno-an na nga gidili na ang pagsulod sa 4ka kilometro nga palibot sa bulkan tungod kay kini mao na ang Permanent Danger Zone.

Dinhi, mas dako ang posibilidad nga kon kalit man nga mobuga sa init nga inalisngaw o nagbaga nga kalayo, delikado san aa sa duol. Ang mga tinugyanan usab sa Civil aviation kinahanglan na nga motambag sa mga piloto sa paglikay sa paglupad duol sa baba sa bulkan tungod kay ang gibuga nga abo mahimong delikado sa mga eroplano.

Padayon pa ang DOST-PHIVOLCS sa pagtukaw aron bantayan ang bulkan samtang ilang gipasalig nga ipasa ang pahibaw kon may mga dugang pang kaugmaran.