The Mindanao Examiner Regional Newspaper
154 Animal Bite Centers ang akreditado na karon sa Philhealth
TALIWALA sa nagpadayong kabalaka sa publiko sa impeksyon sa rabiEs, adunay 154 na ka animal bite treatment centers nga akreditado karon sa Philippine Health Insurance Corporation ( Philhealth).
Gipahibalo ning bag- o lang ni Philhealth Vice President for Corporate Affairs Dr. Israel Pargas nga may 154 na sila karon nga accredited animal bite treatment centers sa tibuok nasod.
Gipahinumdom ni Pargas ang kamahinungdanon sa pagpatambal dayon sa mga gipaak og hayop. Matud pa nga kinahanglang hugasan dayon ang samad ubos sa nag- agas nga tubig ug dalhon dayon sa center aron matambalan.
Ang Philhealth adunay animal bite treatment package ( ABTP) alang sa mga miyembro niini nga gilusad niadtong tuig 2012.
Ang ABTP nagkantidad og P3,000 ug naglangkob sa kantidad sa paghatag sa serbisyo sa post- exposure rophylaxis sama sa vaccines, immunoglobulin, antibiotics ug mga suplay.
Kini naglakip sa mga gipaak og iro, apan kadtong gipaak sa ubang hayop sa panimalay sama sa iring ug hayopan sama sa baka, baboy, kabayo, kanding, lakip na sa mga ihalas nga hayop sama sa kuwaknit ug unggoy, mahimo usab i- apil.
Ang maong package bukas alang sa mga miyembro sa Philhealth sa mga mosunod nga kategorya: Employed, Individually Paying, Overseas Workers, Sponsored ug Lifetime members.
Matag buwan sa Marso gi- obserbar ang Rabies Awareness Month.