Ahensya sa gobyerno, gibalhin sa pamunoan sa Secretary to the Cabinet

The Mindanao Examiner Regional Newspaper - - News - Bongosia) (Elvira C.

CEBU - Sa gipagawas nga labing unang executive order ni Presidente Rodrigo Duterte, mas gipalapdan pa niini ang gahom sa Secretary to the Cabinet.

Nakalatid sa E.O number 1 sa Presidente nga ipaubos sa gahom sa pagdumala sa Secretary to the Cabinet ang pipila ka nasudnong ahensya sa gobyerno.

Gipaubos na karon sa pamunoan ni Secretary to the Cabinet Leoncio Evasco Jr. ang Cooperation Development Authority, Housing and Urban Development Coordinating Council, National Anti-poverty Commission, National Commission on Indigenous Peoples, National Commission on Muslim Filipinos, National Food Authority, National Youth Commission, Presidential Action Center, Philippine Commission on Women, Philippine Coconut Authority, Presidential Commission on the Urban Poor ug Technical Education and Skills Development Authority.

Nakalatid pa sa maong EO number 1 nga angay ang mga nahisgotang ahensya sa gobyerno motutok sa pagbatok sa kakabos o poverty reduction programs sa administrasyong Duterte.

Samtang nakabutang usab sa E.O. number 1 ang pagmugna og Office of the Special Assistant to the President nga pamunoan sa dugay nang Executive Assistant ni Duterte nga si Bong Go.

Gunitan ni Go ang Office of the Appointment Secretary ug ang Presidential Management Staff.

Pamunoan usab ni Go ang pagmugna og events management cluster ubos sa Office of the President.

Mahimong miyembro sa events management cluster ang PMS, Presidential Security Group, Office of the Presidential Protocol, Media Accreditation and Relations Office ug Radio Television Malacañang.

Gipasabot ni Presidential Spokesman Ernesto Abella nga streamlining ang gihimo sa administrasyong Duterte.

Newspapers in Tagalog

Newspapers from Philippines

© PressReader. All rights reserved.