Mga estudyante, tudloan og likay-droga tips sa Deped

The Mindanao Examiner Regional Newspaper - - News - Bongosia) (Elvira C.

CEBU - Gawas sa mga daotang epekto sa ilegal nga droga sa panglawas, itudlo na usab sa mga estudyante kun unsaon pagtino kun ang usa ka tawo nagpayohot og ginadiling droga ug kun unsaon pagbalibad o paglikay niini.

Matud pa ni Department of Education (Deped) Sec. Leonor Briones, usa sa mga mahimong kabag-ohan sa ilang buhatan ubos sa iyang pamunoan mao ang pagsusi ug pagpakusog sa syllabus kalabot sa drug education.

Gawas pa niini, giingong posible pang magpatuman sila og buwag nga subject kalabot niini agig pagsunod na usab sa giduso nga polisiya ni Presidente Rodrigo Duterte batok sa ilegal nga droga.

Matud pa ni Briones, gitahasan na sila sa Presidente nga sugdan na ang pag-review sa syllabus ug gimando nga sugdan ang pagtudlo kalabot sa drug literacy gikan sa mga estudyanteng Grade 4.

Sa kasamtangnag curriculum, kauban na ang drugs syllabus, apan kulang kini sa mga praktikal nga aspeto nga mahimong makatabang sa mga bata nga makalikay sa tentasyon sa droga.

Matud pa nga angay matudloan ang mga bata kun unsaon nila pagkahibalo kun gitental na sila sa ingon niining ilegal nga buhat, kun unsaon nila pagbalibad ug kun asa sila angay mosumbong kun may itanyag nga droga kanila.

Giingong andam usab motabang si Police Director General Ronald dela Rosa sa pagpalig-on sa curriculum sa Grade 4 students kalabot sa pagbatok sa ilegal nga droga.

Newspapers in Tagalog

Newspapers from Philippines

© PressReader. All rights reserved.