One-stop OFW service center anaa na sa SM Cebu City

The Mindanao Examiner Regional Newspaper - - News - (Juju M. Empuerto)

CEBU CITY - Ang mga Overseas Filipino Workers (OFWS) sa rehiyon mahimo nang moadto, mangutana, magpatin-aw ug moproseso sa ilang mga dokumento sulod lamang sa usa ka lugar. Tungod gi-ablihan na ang One-stop Service Center alang sa mga OFWS (OSSCO) niining bulan sa Oktubre.

Ang OSSCO anaa nahimutang sa 2nd Floor, Government Express Center, sa SM City Cebu, North Reclamation Area.

Kini gihimo aron matugnan ang mga panginahanglan sa mga OFWS sa pagpang-apply sa gawas sa nasod ug aron usab mamenosan ang ilang gastoson ug panahon. Dili naman kinahanglan pa nga modagan-dagan ug balhin sa laing departamento alang sa ilang mga mosunod nga mga transaksiyon.

“Adto pa untang Setyembre 6 ilunsad ug abrihan ang OSSCO ug mao unta ni ang labing una nga One-stop Service Center for OFWS nga operasyonal sa rehiyon sa tibuok nasod nga anaa,” sulti ni DOLE-7 Regional Director Exequiel Sarcauga.

Dugang ni Sarcauga nga ang katukuran sa OSSCO kay tubag sa mando ni Presidente Durterte pinaagi kang Labor and Employment Secretary Silvestre Bello, nga ipahapsay ang serbisyo sa kagamhanan labi pa sa mga OFWS.

Si Bello adunay gihatag nga instruksiyon sa tanang DOLE Regional Offices sa pagpangplastar ug kaugalingon nilang OSSCO saw ala pay Disyembre 16 ning tuig.

Sumala pa sa Philippine Overseas Employment Administration Deputy Administrator, Amuerfina Reyes sa paglunsad nga ang paghimo sa OSSCO dinhi sa Sugbo nga fully operational, pagtimaan sa sayong Pasko nga gasa alang sa mga OFWS sa Central Visayas.

Atubangan sa mga kadagkoan sa mga nagkalain-laing ahensiya dinhi sa rehiyon nga mitambong sa pag-lunsad ssa OSSCO sa SM Cebu City, si Reyes miingon nga ang atong OSSCO anaa sa nindot, mabugnaw ug komportable nga lugar nga mahimong sumbanan sa mga rehiyon nga wala pa mkatukod ug OSSCO.

“Akong gi-awhag kamong tanan nga mga kawani nga modumala sa operasyon sa OSSCO nga mahimo nga sensitibo, atendedo ug hikutado sa kada may OFW nga moduol ug magpatabang kaninyo. Ang rationale ani nga tinguha kay alang sa pagpasayon sa pagproseso sa mga papeles sa mga OFWS,” dugang ni Reyes.

Si Sarcauga, sa iyang bahin midasig sa mga OFWS nga mahimulos sa kahigayonan nga niay OSSCO sa Cebu.

Dungag pa ni Sarcauga, “Kada ahensiya nga involve may gitino ng serbisyo ug program nga ilang ipadangat sa OSSCO sulod sa 72 nga oras nga panahon nga transaksiyon.”

Kadaghanan sa mga serbisyo nga gitanyag mocater lamang sa panginahganglan sa mga mamumuo nga nangita ug kahigayonan nga motrabaho sa gawas sa nasod.

Mga heads ug mga representante sa 16 ka mga ahensiya sa gobyerno ang mitambong sa paglusad sa OSSCO ug ang ni bendita mao si Father John Mission sa Stella Maris Seafarers’ Center, Apostleship of the Sea.

Mitambong usab ang representante sa nagdumala sa SM Cebu City nga Ma. Luz Ceneroso ug Tata Mempin nga nanghinaot nga mokaylap ang impormasyon kabahin sa OSSCO ug daghan ang makahibalo ug mopahimulos niini.

Ang OSSCO bukas sa public gikan Lunes hangtod Sabado ug sa mga oras nga alas-10 sa buntag hangtod sa alas-7 sa gabii.

Newspapers in Tagalog

Newspapers from Philippines

© PressReader. All rights reserved.