The Mindanao Examiner Regional Newspaper
DOLE ngadto sa pribadong sektor: Ihatag og sayo ang 13th month pay
CEBU Gipahinumdoman sa Department of Labor and Employment (DOLE) ang mga pribadong kumpanya nga angay ihatag og sayo ug dili molapas sa Disyembre 24 ang paghatag sa 13th month pay sa ilang mga kawani.
Kini ang gipahayag ni DOLE Sec. Silvestre Bello III tungod kay giingong ang paghatag sa 13th month pay nahisubay man sa Labor Code of the Philippines ug ang mga patakaran ug regulasyon sa pagpatuman niini.
“Ang 13th month pay ay ang pamantayan sa batas-paggawa na hindi ikokompromiso ng DOLE ang pagbabayad nito. Nakasaad sa batas na dapat iulat ng mga employer sa pribadong sektor ang kanilang pagtupad sa benepisyo ng manggagawa,” matud pa ni Bello.
Ubos sa Labor Code, ang tanang sakop nga employer angay magsumiter og taho sa pagtuman sa balaod sa pinakaduol nga DOLE regional office nga dili molapas sa Enero 15 matag tuig.
Ang 13th month pay kapareho sa 1/12 nga basic salary sa trabahante sa usa ka tuig.
Kauban sa basic salary ang tanang bayad o kita nga gibayad sa employer sa empleyado alang sa serbisyong gihatag, apan mahimong dili apil ang cost-of-living allowances, profit-sharing payments, cash equivalents sa wala nagamit nga vacation ug sick leave credits, overtime pay, premium pay, night shift differential pay, holiday pay, ug tanang allowance ug monetary benefits nga gikonsiderar nga dili parte o kauban sa regular o basic salary sa empleyado.