I-hatag ang 13th month pay sa dili pa mag-pasko

CEBU - Angay bayaran sa mga pribadong employer ang 13th month pay sa ilang mga kawani nga dili molapas sa Disyembre 24, matud pa sa pahayag kagahapon ni Department of Labor and Employment (DOLE) Sec. Silvestre Bello III.

“Kailangang bayaran ng lahat ng employer ang mga rank-and-file employee ng kanilang 13th month pay, anuman ang uri ng kanilang empleo at pamamaraan ng pagbabayad ng kanilang sahod, basta sila ay nakapagtrabaho ng hindi bababa sa isang buwan ng kasalukuyang taon,” matud pa ni Bello.

Matud pa ni Bello nga ang pagbayad sa 13th month pay agi og pagsunod sa Labor Code of the Philippines ug mga patakaran ug regulasyon sa pagpatuman niini.

Ubos sa Labor Code, ang tanang nasakop nga employer angay mosumiter og taho sa pagpatuman sa balaod sa pinakaduol nga DOLE regional office nga dili molapas sa Enero 15 matag tuig.

Ang 13th month pay kapareho sa 1/12 sa basic salary sa mga empleyado sa usa ka tuig.

Kauban sa basic salary ang tanang bayad o kita nga gibayad sa employer sa empleyado alang sa serbisyong gihatag, apan mahimong dili apil ang costof-living allowances, profit-sharing payments, cash equivalents sa wala nagamit nga vacation ug sick leave credits, overtime pay, premium pay, night shift differential pay, holiday pay, ug tanang allowance ug monetary benefits nga gikonsiderar nga dili na parte o kauban sa regular o basic salary sa empleyado.

Matud pa ni Bello nga mahimong mosumiter sa bisan asang DOLE regional office sa money claim case ang mga na-agrabyadong empleyado kun dili ihatag sa employer ang ilang 13th month pay.