Mga nagpadagan sa K to 12 Plus Project mipaubos sa Communications Workshop

The Mindanao Examiner Regional Newspaper - - News - Calizar-contratista) (Ferliza

CEBU CITY - Aron mapahibalo sa kadaghanan ang benepisyo sa K to12 Plus project, gipahigayon ang Communications Workshop alang sa mga nagpadagan niini bag-ohay lang.

Ang Cebu Chamber of Commerce of Industry ug ang AFOS Foundation nga usa ka German Foundation ang nangulo sa pagpahigayon sa Communications Enhancement and Planning didto sa Montebello Vista Hotel.

Kini aron mahibaw sa kadaghanan ang mga benepisyo sa maong programa sa matang sa edukasyon.

Unang tigpamaba mao si Minerva Newman, ang kanhi regional director sa Philippine Information Agency-central Visayas nga maoy nasinati kabahin sa pag identify sa mensahe sa usa ka adbokasiya ug unsaon kini pag communicate sa publiko.

Human sa extensibong diskusyon, misunod ang training kabahin sa“storifying Advocacies and Building Relationships with Media”.

Ang K to 12 Plus usa ka proyekto diin gisunod ang dualized nga approach sa pag edukar sa mga estudyante sa matang sa technical vocational skills.

Gitinguha nga gawas sa nakat onan sa eskwelahan mupadayon ang mga tinunan sa pagkat-on ngadto sa mga magpatigayon.

“Adunay mga teknikal nga tawo ang mubansay bansay sa mga estudyante sa matang sa konstruksyon, culinary og HRM,” matod ni Teresa Cono, AFOS resident representative,

Ang maong sistema gisunod karon sa tulo ka mga eskwelahan. Aduna nay mga mugraduwar sa maong project karong Abril.

Newspapers in Tagalog

Newspapers from Philippines

© PressReader. All rights reserved.