DSWD Lingap Sa Masa nga programa, halapad na

CEBU CITY - Ang Libreng Gamot Para Sa Masa ( Lingap Sa Masa) nga programa sa Department of Social Welfare and Development ( DSWD) gipalapdan ug gipausway na kini, segun sa Memorandum Circular No. 14, series of 2017.

Ang programa milakip na sa mga serbisyong medikal sama sa prosthetics, assistive devices, pamaagi sa laboratoryo, medikal suplay, gipuno sa libreng tambal, matod ni DSWD- 7 Regional Information Officer Leah Quintana.

Ang gi- target nga mga benepisaryo misakop na usab kini sa mga immediate nga miyembro sa pamilya sa mga regular nga empleyado ug contract of service workers nga nagtrabaho sa gobiyerno. Ang mga tambalanan nga distrito, probinsiyal ug rehiyonal, mahimo ng kauban sa pagimplementar sa programa, sulti ni Quintana.

Dugang ni Quintna, tungod sa mga kabagohan sa programa sa DSWD nga Lingap sa Masa, gibag- o na usab ang ngalan niini, mao ang Lingap at Gabay Para sa May Sakit. Sa wala pa maamendahi, sa Rehiyon 7, ang Vicente Sotto Memo- rial Medical Center sa Cebu mao lamang ang tambalanan nga accredited nga mo- implementar sa programa.

Si Quintana miingon nga ang Gov. Celestino Gallares Memorial Hospital sa Bohol, accredited na sab nga moimplementar sa programa. Sulti usab sa opisyal, ang Lingap sa MASA program mosakop na usab sa mga tambalanan sa Siquijor ug Negros Oriental. Ang programa giimplementar sa lima ka mga pilot areas, apil ang Central Visayas.