‘Kahinam kang Bong Go’

GIBUYNYAGAN SIYA og numero unong tigpamomba sa mga litrato. Apan sa kinabuhi ni Presidente Rodrigo Duterte mas labaw pa siya sa makaya ninyo og handuraw. Ang mga dagkong tawo sa laing nasud ug gustong makigkita sa kanhi Mayor sa Davao ug karon Presidente na sa Pilipinas kinahanglan nga makigistorya una kang Christopher T. Go sa di pa sila makaatubang sa iyang boss.

Di na ta mahibulong kun ngano nga duna siya’y pribilihiyo nga mokuha og mga selfie kauban ang mga dagkong tawo sa ubang nasud. Sa unang kita pa lang ila dayong mahinumdoman ang pangalan ni Bong Go, ang tawo sa Presidente nga bisa’g unsa lang ang isugo, private secretary, runner, tigtigum ug tigpasa sa mga impormasyon nga kinahanglan sa Presidente, tig-abli ug tigsira sa ganghaan, ug uban pa. Si Bong, ang tawag namo niya, haum kaayo sa iyang trabaho.

Siya ang pinakasuod sa Presidente, apan di jud ka makabati gikan sa iyang baba nga ipanghambog niya ang paggunit niya sa gikaiban nga posisyon.

Halos serado ang iyang baba sa mga butang nga may kalabutan sa Presidente, sa politika ug sa iyang papel isip Presidential Assistant (ranggo og kalihim) ug tigdumala sa Presidential Management Staff. Masil-ip lang nimo siya kun mag-ilis siya og uniporme sa basketball. Superyor siyang magdudula sa basketbol. Basin og makaminos ka ni Bong tungod kay di siya mahilig makihalubilo ug seryoso kanunay ang iyang nawong. Gradweyt siya sa Business Management sa La Salle University.

Mao na ang rason ngano nga sistimatiko niyang masabtan, matipig ug mahulbot diha-diha ang grabe kadaghan nga mga datos ug impormasyon nga gikinahanglan ni Duterte.

Kun giunsa niya paghandol sa mga tawag ug mga SMS gikan sa lampas 6,000 ka libo ka manawag ug mga motext usa ka misteryo nga makahingangha. Wa pa siya’y duha ka tuig sa iyang trabaho sa Malacanang apan nakatravel na siya sa tanang suok sa Pilipinas nga labaw pa sa mga nagalingkod nga mga senador karon. Ug sama sa iyang amo nakaabot na siya sa mga lugar nga ang mga senador hadlok motaak. Natun-an niya ang mga leksyon sa politika sa lisud ug praktikal nga mga pamaagi.

Dili siya sikat nga bida sa sine o anak og bantugan. Apan ang iyang pangalan naglanoglanog kauban ni Digong Duterte. Tingali ang wa lang niya matun-i mao ang litaniya sa mga pamalikas nga gibantog ug gikaintapan nga abilidad sa iyang amo. Kaila kaayo nako si Bong. Simple, matinahuron ug, sama sa iyang amo, manggiluy-on. Daghan na ko og nasulat ug isulat pa bahin kang Bong.

Moadmitir ko nga naunhan ko sa paghimo niini sa mga mora og mga irong buang nga oposisyon ug ni Pia Ranada sa Rappler nga nagtuo nga ang pagbutang sa pinakasuod sa Presidente ilawom sa halos way utlanan nga imbestigasyon sa senado bahin sa mga alegasyon sa pagkalambigit kuno niya sa kontrata sa prigata mohatag kanila og sayon ug daghan nga puntos.

Gibatbat lang ni Bong ang kamatuoran nga way paglipudlipod. Mas ningsikat siya human ini. Gikan niadto, nailhan na siya isip siya, si Bong Go. Ang iyang boss, ang Presidente, mapagarbohon kaayo sa iyaha, sama sa gibati natong tanan.