The Mindanao Examiner Regional Newspaper
Bangsamoro fighters patuloy sa atake!
SA KABILA ng pinaigting na martial law sa Mindanao ay wala pa rin habas sa atake ang Bangsamoro Islamic Freedom Fighters (BIFF) at kaliwa’tkanan ang opensiba nito laban sa militar sa magulong rehiyon. Walang tigil ang atake ng BIFF - na kaalyado ng Islamic State – sa mga detachments ng militar sa lalawigan ng Maguindanao sa Autonomous Region in Muslim Mindanao, at sa North Cotabato, gayun rin sa Sultan Kudarat. At sa kabila ng malakas na puwersa ng pamahalaan ay bigo naman ito na mapigil ang opensiba ng rebeldeng grupo.
Kamakailan lamang ay ang niratrat iba’t-ibang ng mga detachment rebelde ng militar sa bayan ng Shariff Saydona at Datu Salibo at pinasabugan rin ang labas lamang ng 6th Infantry Division sa bayan ng Datu Odin Sinsuat – lahat ay sa magulong Maguindanao, at gayun rin
sa mga bayan ng Pikit at Midsayap sa North Cotabato.
Sa kabila ng kaguluhan at walang humpay na operasyon naman ng militar laban sa BIFF ay patuloy rin na hinihimok ng militar ang mga rebelde na sumuko na lamang ng mapayapa at mamuhay kasama ang kanilang mga mahal sa buhay.
Ilang ulit na rin sinabi ni Major General Arnel dela Vega, commander ng 6th Infantry Division, na walang paroroonan ang pakikipaglaban ng BIFF dahil sa malaking suporta ng publiko sa pamahalaan. “We encourage other members of the BIFF as this is a good opportunity for them to live a better life and eyeopener that the soldiers will not hurt them,” ani Dela vega.
Noong nakaraang linggo lamang ay 4 na BIFF ang sumuko sa pamahalaan at maging mga armas nila ay ibinigay rin sa militar at kabilang dito ang isang anti-tank rocket launcher, dalawang automatic rifles at isang Garand rifle.
Ang BIFF ay pinamumunan ng grupo nina Muhidden Animbang at Esmail Abdulmalik.