NCIP mipasiugda sa healing, reconciliation forum sa Bukidnon

BUKIDNON - Usa ka dakong hagit sa tribo ang walay panaghi-usa, busa ang National Commission on Indigenous Peoples (Ncip)-northern Mindanao nagpahigayon sa duha ka adlaw nga "Healing and Reconciliation" forum nga gipahigayon sa Barangay Songco sa Lantapan.

Tumong sa panagtigum nga mabalik ang maayong relasyon sa matag Tribo diin dunay mga panagsumpaki ug walay pagsinabtanay tungod sa mga "ancestral domain" ug mga relasyon nga nabungkag tungod sa presensya sa teroristang grupo.

“Gihisgutan namo ang kahimtang sa mga IPS/ICCS [Indigenous Peoples/indigenous

Cultural Communities] sukad nga naka-infiltrate ang mga teroristang grupo. Ang community nabahin-bahin busa gikinahanglan ang Healing ug Reconciliation sa komunidad aron ma-uli ang mga relasyon sa tribo nga nabahin-bahin tungod sa mga propaganda ug mga pagpanlingla sa mga communist group,” matud ni Datu Bawan Jake Llanes, Executive Director sa Mindanao Indigenous Peoples Council of Elders kon MIPCEL.

Sa susamang adlaw, gipahigayon usab ang peace covenant signing kauban ang nagkalain-laing partner agencies sa gobyerno sama sa Armed Forces of the

Philippines, Philippine National Police, National Intelligence Coordinating Agency, Philippine Information Agency, Bureau of Fisheries and Aquatic Resources, Department of the Interior and Local Government, Department of Justice, ug uban pang ahensya sa kagamhanan.

Pinangulohan sa NCIP, nagpahigayon pud og peace covenant signing ang mga government agencies ug IP/ICC leaders kauban ang kapulisan, kasundalohan, mga former rebels, mga tribal youth leaders, ug uban pang grupo aron tabangan nga pakusgan ang IP community leaders nga maoy gadumala diha sa mga ‘concerns’ sa ancestral domain. (BGE)