‘National Lampasuhan 3’
Ang maraming VEGETABLES ay nagkakagulo, Wala pa kasing napipili sa titulo — “Ang Pambansang Gulay ng mga Pilipino!”
Pero agad si SINGKAMAS ay presentado! Kasi’y first mention s’ya sa kantang “Bahay Kubo,” Subalit inawat agad s’ya ni PIPINO! S’ya nga raw dapat dahil tunog PILIPINO! Say pa kay Singkamas, “Please kumilos ka nang pino!” “Hoy Singkamas makinig sa sasabihin ko, Kaya ka nauna sa kantang ‘Bahay Kubo,’ Kasi kantang-kanta ka na! SING KA MASYADO!
Mas masarap ka lang pag may ASIN… TUNADO!”
“Ako nga wala ron!” dagdag pa ni Pipino, “But favorite ako ng mga estranghero! Konting suka’t paminta ayos buto-buto! Kaya for National Vegetable, ‘yan ay… AKO!”
“Bakwit este, but wait!” sigaw naman ni KANGKONG, “Dapat yata’y ako, tsibog sa barongbarong!
Pagkain ng nangangailangan ng tulong…
Ng masa (hikbi) at ‘yung mga walang bubong!”
“Tama na ‘yang drama mo!” pumasok ang TALONG!
Kahit kailan ‘di pwedeng ‘Pambansa’ si Kangkong!
Bukod sa katunog ng Tsonggong si King Kong, Ibig sabihin ng Kangkong ay PANDARAMBONG!”
Hindi na tumigil sa pagpasok si Talong, “And wait there’s more… BAD meaning ASAWA NI KANGKONG!
And excuse me Morning Glory, sosyal ka’t meron!
Adobo ka pa nga, hindi ka patay-gutom!”
“I vote for OKRA dahil may OK sa name s’ya!” Sumigaw ay si Okra rin syempre sino pa? Nagulat lahat, ni-nominate sarili n’ya Pasok uli ang Talong, “Nauulol ka ba?” “Thank you for that wonderful question…” say ni Okra, Ikaw ba Mr. Eggplant ay nagpapatawa? Alam kong ‘yang tanong mo may halong malisya! But if dahil naglalaway ako, HINDI ah!”
“Talong ng ina mo! ‘Wag mo ‘kong inookray!” Nagwala si Okra’t sumabog ang laway! Biglang nagka-tensyon, awatan mga gulay!
Pumanhik ng stage at pumagitna si PECHAY!
“Relaks lang Okra at magpalamig ka muna!”
Say ni Pechay na mukhang bagong paligo pa!
“Tumigil ka nga Pechay!” ang bwelta ni Okra, “We know kayo ni Talong magsyotang dalawa!” “Mga bastos kayo lalo pag magkasama!” Sa puntong ito si Okra nagwawala na! Sumisirit ang laway tila bang si ORCA! Lumapit si KAMATIS, sinampalsampal s’ya!
Nanlambot si Okra at gulay na gulay na, Si Pechay at Talong nawala sa eksena, Nagbulungan ang lahat at wika ni LUYA, “Malamang nag-quickie na naman ‘yung dalawa!”