‘Morph of Macau’
Patawa nun na pinapalitan pangalan Kapag ikaw ay natira sa may Kanluran,
Gagawing stateside lalo na’t may kabantutan
Tulad ni FAJARDO BATO… HARD ROCK na ngayon! Subalit paikot-ikot lang ang panahon, Hindi na ito joke, ito na’y katunayan —
Hard Rock Hotel Macau na ay mamamaalam,
Next year MORPHEUS Hotel na inyong magigisnan! Pero teka, sino nga ba ang Morpheus na ‘yan? Si Morpheus ang god of sleep at ng dreams lang naman! Dahil sa City Of Dreams kaya ang dahilan? O dahil god of SLEEP? Kasi hotel ay tulugan! Pinagtataka ko’t isa pang katanungan — Bakit mga motel nun “court” ang katawagan? Sa loob may nangyayari pa bang ligawan? May hinuhusgahan and will serve a short time lang? He, he, he… kaya ito pinag-uusapan Eh kasi last week ako ay nagkaarawan Sa Macau at sa harap ng tinutuluyan — Isang higanteng gusali ang nasaksihan! Halos inunano na n’ya ang katabing Crown! Pati nga Hard Rock na ngayo’y pangala’y COUNTDOWN! Akala ko Hard Rock lilipad kalawakan! ‘Yun pala’y countdown ng opening ng Morpheus lang! Sa katunayan ako ma’y naguguluhan,
Dito nga kasi ang daming nagsusulputan!
Kasabihang Las Vegas dito’y kaibahan —
“What happens in Macau magugulat ka na lang!”
Sa design pa lang ikaw ay magugulantang!
Butas gitna! Waring may alien na dumaan! Tipo bang makikita sa panaginip lang, Ilang tulog na lang kaya ating abangan! Tila isang City of Dreams nga tutunguhan Sapagkat sa tabi nila hindi kalayuan, Isang higanteng jewelry box nandun naman! Isang higanteng LEON sya’y binabantayan! MGM ‘yan! The Jewel of Taipa and Coloane! Halos sabay sila ng Morpheus na bubuksan! Kaya Ang Poet N’yo ‘yay pinaghahandaan, Alam n’yo naman ADIK ako… sa TULUGAN! Behhh … akala n’yo porke’t Macau na’y sugalan! Excuse me lang minamahal kong kababayan, Hanggang tulugan, kainan at shopping-an lang! Well, may pakonti-konting slot machine naman d’yan! Halos dito na nga sa Macau taon-taon Ginagawa ko aking birthday celebration, Tingin n’yo ba dahil malapit transportation? O dahil sa numbers na aking fascination? YES sa first dahil NO na sa long na liparan, Pero sa numbers? Hmmm… tingin ko hindi naman, Birthday lunch ko sa 456 Shanghai Restaurant…
At nung gabi sa Dynasty EIGHT naghapunan!