‘INGLESERO’ (Sa INGLES... SERO!)
Well, without much ado… ADO? Ado ba ito?
Hmmm… sa Tagalog ADO ay KUNG ANOANO!
Ang ibig kong sabihin at sasabihin ko —
To all my readers, just want you to know… I THANK YOU!
Huuu! Hirap! ‘Yung lahi kasi ni Shakespeare loko!
Kundi ba naman ang gugulo kasi ANGLO!
Then binalahura pa ng Amerikano!
Dapat short and simple lang like kay GERONIMO!
“Me Tarzan, You Jane! Me like you! Tulog na tayo!”
Kumbaga BAROK! Barubal O-K! Diretso!
Kung tutuusin nga bumabalik din tayo,
Ano ba tingin n’yo sa HIR NA MI, WER NA U??
Nung ako po totoy pa I was INGLESERO
Wataminasey grado ko sa English… SERO!
Ngek! Op kors dyok onli at hindi ‘yan totoo
Because isa ‘yan sa subjects na paborito!
Pero ENGLISHING hindi ko sineseryoso,
Pag may pagkakataon aking niloloko!
Ayu’t nadala nga hanggang tumanda ako!
Kasi naman “somewhat eng-eng” din meaning nito!
Eh ngayon nga nagbabawas pa mga tao,
‘Yung “I LOVE YOU” madalas na lang ay “LOVE YOU!”
“God Bless You!” nga “GOD BLESS!” na lang maririnig mo!
Ang HINDI PAGMAMARUNONG ngayon ang uso!
Akalain mong nagbabawas na ng tao!
Kasi naman minus the “I” and minus the “YOU”!
Waring population control itinatakbo!
Pero nagkakaintindihan pa rin tayo!
At ‘yan ang mahalaga sa usapang ito,
Eh nung unang panahon nga senyasan lang ‘no!
Wala pang salita’t umuungol lang tao!
Are you thinking ang unang salita kung ano?!
Pabayaan n’yo ngayong “magmarunong” ako!
Bahala kayo at magkanyakanya tayo!
Basta sa akin pagbabasehan ko dito
Ay sina Adan at Eba sa paraiso!
‘Wag kayong magugulat sa sasabihin ko —
“HUGOT” unang salitang binigkas ng tao!
Mag-isa lang si Adan nang nilikha ito
Kaya malungkot sya’t medyo pa nalilito!
Nang mapansin ng Lumikha’y sinabi nito,
“Okey lang bang huhugot ako ng tadyang mo?”
“HUGOT?” Adam asked, then followed by, “BAKIT AKO?”
And from the RIB came EVE… and the rest alam na n’yo!
Kaya malamang eto pa isang senaryo —
Nung tinanong ng unang tao, “SINO AKO?”
Nabigla Ang Tinig, “Ahhh… DAMN! Na-overlook Ko!”
“AHHH… DAMN? Ayun na nga ang pangalan ko siguro!”
Kaya sa unang paglitaw ng partner nito,
Naturalmente nagpakilala na ito,
“Hello! Ako AHHH… DAMN, and you’re RIB!” Glad to meet you!”
Well, ‘yun lang naman ay sa pagkakaalam ko!
That explains too kung bakit ang salitang “AKO”
Ay ang isa sa mga oldest words sa mundo!
“EAT” nga pala’y isa sa mga una ito,
Of course! They named one of their sons CAIN pa nga ‘no!