Inselelo nobuhlungu bokuba ngusomabhizinisi
Kubuhlungu ukubona iwa liseduze, ubone ukuthi indlela ohamba ngayo iqonde kulo ngqo, ayikho indlela yokuphuma eceleni. Umbiko wesigaba sesine sonyaka owedlule uveze ukuthi umkhiqizo waseNingizimu Afrika wehla ngama-1,4%, okuyizinkomba zokwehla komnotho nesimo esinzima amabhizinisi abhekene naso. Ngenxa yokuthi akulahlwa mbeleko ngakufelwa, belilokhu likhona ithemba lokuguquka kwesimo somnotho nokusimama kwamabhizinisi ngesigamu sokuqala sonyaka. Izingqapheli ziqagela ukuthi ingxenye yesibili kwezine ezakha unyaka womnotho, izokuba yimbi kakhulu. Lokhu kubangelwa wukucishwa kukagesi okuthikameze kakhulu amabhizinisi ekuqaleni kwalo nyaka, kanye nokusabalala kweCoronavirus emhlabeni wonke. Amabhizinisi abhekene nenselelo enkulu kulesi sikhathi ngoba ukusebenza kwawo kulawulwa eduze nguHulumeni ozama ukuvimba ukusabalala kwaleli gciwane.
Yisikhathi esinzima kosomabhizinisi bakulelizwe njengoba umhlaba usakhungethwe yiiCoronavirus. NgoMsombuluko uMengameli waseNingizimu Afrika, uMnu Matamela Ramaphosa umemezela ukuvalwa kokuhamba ngokukhululeka kwabantu kuzwelonke. Lolu hlelo lusho ukuthi abantu kumele bahlale emakhaya, noma ezindaweni zabo ukuze kunciphe ukuthelelana ngesifo okwenzeke kwamanye amazwe. Kwamanye amazwe asehlaselwe yilesi sifo yiko ukuvala ukusebenza okujwayelekile kwamabhizinisi, imidlalo enhlobonhlobo, nokuba wuvanzi kwabantu behamba ezindaweni ezibahlanganisa nabanye abazanayo nabangazani nabo. Kufike umzuzu ofuze lowo nakuleli lizwe, kwasa ngokunye uMengameli wezwe ekhipha isimemezelo sokuvala konke ukunyakaza kwabantu okujwayelekile. Abanikazi bamabhizinisi basebunzimeni abangakaze babhekane nabo. Kukude emuva kukude phambili emabhizinisini.
Uma ungumqashi uphakathi kwesiziba esishonayo newa elibheke phansi, ngoba kunabantu ababheke iholo kuwe, kodwa kumele ume ukusebenza ngendlela ojwayele ukusebenza ngayo. Kusobala ukuthi maningi amabhizinisi azovala angaphinde avule ngenxa yalesi simo. Kuphoqa abaqashi bafune izindlela ezintsha okungenziwa ngazo umsebenzi, uphumelele kube sengathi akonakele lutho. Iningi labaqashi libhekisisa izindlela lapho abasebenzi bezowenzela emakhaya umsebenzi. Lokhu kusho ukuthengwa kwamathuluzi amasha kwezinye izinkampani, okuyinto abeyingalungiselelwe ngasohlangothini lwezimali.
Kuyethusa ukubona abantu behamba begqoke izifonyo nalokho okugqokwa kuvikele izandla, bengena bephuma ezitolo. Abasebenzi basemahhovisi ehlukahlukene asebenza izindaba zabantu nabo babonakala begqoke izifonyo ukuze bavikeleke egciwaneni elidla lubi.
Ibhizinisi lisebenza ngokungena kwabantu ngobuningi babo, baphithizele, bathenge, bakhokhe imali, usomabhizinisi kulalwe ebala ukuthi usebenze kanjani. Uma abantu bevalelwe ezindlini nasemakhaya, bephoqiwe ukuthi bangaphumeli ngaphandle kwesango, begadwe ngamasosha ukuba bangaphambani nesinqumo, kusho ukuthi amukho umuntu ozokuya kothenga ezitolo. Isizathu esisemqoka sokuba ngusomabhizinisi wukuthola imali. Uma kuvalwa umthombo wemali kusuke kuvalwa ibhizinisi uqobo.
Angikholwa wukuthi ngenkathi uMengameli enza lesi simemezelo ukhona obenesiqiniseko sokuthi elakhe ibhizinisi lizohweba noma lizovala kulezi zinsuku ezingamashumi amabili nanye. Abanye bazobona ngelanga lokuqala ukuthi amabhizinisi abo aphakathi kwazovalwa noma kulawo azosebenza ngaphansi kohlelo olugunyaziwe yini.
Phakathi kwamabhizinisi azokube ehweba kusukela ngoLwesihlanu ekuseni yilawo asebenza ugesi. Lapha kubalwa izinhlelo zokuphaka ugesi unganqamuki njengokuba uyisidingo esisemqoka.
Ngokunjalo izindawo ezisebenza ukuhlanza nokuthumela amanzi ezindaweni ezehlukene zizoqhubeka nokusebenza kulezi zinsuku. Izindawo ezisebenza ezempilo, ezikhiqiza nezidayisa imithi yokwelapha, nemishini yezempilo zizoqhubeka nokuhweba kulesi sikhathi. Phakathi kwalezi zindawo kubalwa nezibhedlela. Ngiyacabanga ukuthi lolu hlobo lwamabhizinisi esengilubalile bekuvele kulindelekile ukuba zivunyelwe ukuhweba kulesi sikhathi ngobumqoka bazo ekwelaphekeni kwabantu abangenwe yileli gciwane. Lokhu akuguquli ukuthi abasebenzi bakulezi zindawo nabo basengozini yokungenwa yileli gciwane. Noma eqhubeka nokusebenza la mabhizinisi kuzodingeka abaphathi bawo benze izinhlelo ezizovikela izisebenzi zingesuleleki yileli gciwane, futhi bangatheleli abanye ngalo uma libangenile. Lokhu kusho ukuthi akukho ukusebenza ngendlela ejwayelekile.
Amanye amabhizinisi azokube ehweba ngalesi sikhathi kuvaliwe, yilawo akhiqiza ukudla nalawo akudayisayo. Izitolo ezingamasuphamakethe nazo zizokube zivulile ngesikhathi izwe lonke lisekhefini lezinsuku ezingamashumi amabili nanye. Kunika ithemba kosomabhizinisi abasemazingeni aphansi, njengalabo abanamaSpaza Shop ukuthi nabo basohlwini lwezitolo ezivunyelwe ukuvula kulezi zinsuku izinto zisemile. Uma kukhulunywa ngeSpaza Shop kukhulunywa ngesitolo esibhalise ngokusemthethweni lapho kubhaliswa khona amabhizinisi. Okunye okungase kushukumise izwe yinkulumo yokuthi kuvunyelwe amaSpaza Shop okungabawumnsinsi wokuzimilela kuleli lizwe eNingizimu Afrika. Abokufika abanamaSpaza Shops abazukuvunyelwa ukuhweba kulesi sikhathi. Kumuntu obezihwebela ngaphandle kwemvume kuphonsa inselelo yokuthi kuzomele avale ibhizinisi lakhe izinsuku ezingaziwa. Phela akwaziwa ukuthi emva kwezinsuku ezinqunyiwe ezingamashumi amabili nanye siyokube sinjani isimo seCOVID-19 eNingizimu Afrika.
Kuyabaphoqa labo abasemabhizinisini ukuba bafunde izinto ezintsha ezifana nokugezisa abantu uma bengena esitolo, baqikekele ukuphepha kwabantu uma bengene esitolo ukuze bangesuleleki ngaleli gciwane.
Lezi zinhlelo zidinga imali okungejwayelekile ukuba isebenze lo msebenzi ebhizinisini. Uma ibhizinisi belenza inzuzo encane, kucaca ukuthi lingase lidinge ukubuyekeza indlela yokusebenza ukuze liqhubeke nokuhweba.
Izimpahla ezidayiswa ezitolo zinesikhathi esinqunyiwe okumele kuba zibe sezisebenzile ngaso. Lokhu kuthinta ikakhulukazi izimpahla ezingukudla. Ngenxa zokuthi bazokube bebalwa abantu abangena esitolo bezothenga, ziningi izimpahla ezizohlala isikhathi esingaphezulu kwesejwayelekile. Ukuhlala kwempahla isikhathi eside ingathengwa kusho ukuthi ayingeni imali, futhi imali ivaleleke empahleni ehlezi eshalofini, ayinalusizo kulowo ongusomabhizinisi. Ukunyakaza kwempahla, kuphume endala kungene entsha, kukhuthazwa wubukhona kwabathengi. Akulula ukwazi ukuthi bangaki abathengi abazophuma kuvaliwe beya ezitolo.
Kwezinye izindawo kunabantu abayaye babonakale behlezi ngaphandle kwesitolo bezixoxela nje, bengakhombisi kujaha ndawo, babingelele labo ababaziyo, bephelelwe yisineke kuze kucishe kushone ilanga.
Laba bantu bazoncipha ngoba akuzukuvumeleka ubukhona babantu abaluvanzi bengenalutho abalwenzayo. Ubukhona balaba bantu kunomthelela othize ekusebenzeni nasekuphumeleleni kwalelo bhizinisi.
Izitolo ezidayisa izingubo zizovalwa kulezi zinsuku. Lokhu kuchaza ukuthi kulezinsuku kuzokube kungangeni mali kulawo mabhizinisi. Izindleko ezikhokhwa ngokusebenza ngebhizinisi zilokhu zimile. Phakathi kwalezi zindleko kukhona imali yerenti okumele umnikazi bhizinisi ayikhokhe njalo ngenyanga, ngale kokuthi usebenzile yini. Umbuzo ongaphenduleki ngothi uma sekukhokhwa irenti kungasetshenzwanga izovelaphi, futhi kuzokube kukhokhelwani.
Abalimi bemikhakha eyehlukene nalabo abakhiqiza okuphuma emkhakheni wezolimo kumele baqhubeke basebenze kulesikhathi ukuze kungapheli imikhiqizo edingekayo naleyo ethunyelwa kwamanye amazwe. Ngamanye amazwi, umnotho awukwazi ukuma nse, kodwa akuzukuba njengoba kujwayelekile.
UMengameli ubale izimali ezehlukahlukene ezizolungiswa yiminyango kaHulumeni zibhekelele ukusiza amabhizinisi. Lesi simo ababhekene naso asidalwanga wubudedengu bosomabhizinisi. Ngokufanayo asidalwanga nguHulumeni. Kodwa-ke ngoba uHulumeni ubhekele ukuphatheka kwezwe nomnotho walo, kumele kube nezinhlelo zokunxephezela lawomabhizinisi azokhahlamezwa yilesi simo ngokwedlulele. Kuzocaca ngokuhleleka nokuhlaziywa kwenkulumo kaMongameli ukuthi yiziphi izinhlelo abangase bathole ukunxeshezelwa ngazo osomabhizinisi.
UMengameli ubale izimali ezehlukahlukene ezizolungiswa yiminyango kaHulumeni zibhekelele ukusiza amabhizinisi.